নেশ্যনেল ডেস্ক, 29 জানুৱাৰী: লক্ষ্ণৌৰ মাদিয়ানভত দলবদ্ধ ধৰ্ষণৰ ঘটনা সংঘটিত হৈছে ৷ পাঁচ যুৱকে দুগৰাকী ভগ্নীক দলবদ্ধ ধৰ্ষণৰ কৰাৰ অভিযোগ উত্থাপিত হৈছে । কিছুদিন পূৰ্বে সংঘটিত এই ঘটনা সন্দৰ্ভত আৰক্ষীৰ বিৰুদ্ধে উত্থাপন হৈছে গুৰুতৰ অভিযোগ ৷ আৰক্ষীয়ে অভিযোগ নুশুনা বুলি অভিযোগ উত্থাপন কৰিছে ভুক্তভোগীয়ে । অৱশ্যে এই অভিযোগ নাকচ কৰিছে আৰক্ষীয়ে । ৰাজ্যিক মহিলা আয়োগ, মুখ্যমন্ত্ৰী আৰু গৃহ সচিবৰ ওচৰত ন্যায় বিচাৰি আবেদন জনাইছে ।
চিঠি লিখি অভিযোগ উত্থাপন: ঘটনা সন্দৰ্ভত জানিব পৰা মতে, ৰায় বৰেলীৰ বাসিন্দা ভুক্তভোগী যুৱতীগৰাকীয়ে ইন্দিৰানগৰত পিতৃ-মাতৃ আৰু 15 বছৰীয়া কনিষ্ঠ ভগ্নীৰ সৈতে ভাৰাঘৰত আছিল বুলি চৰকাৰী কৰ্তৃপক্ষলৈ লিখা পত্ৰত উল্লেখ কৰিছে । ভাৰাঘৰৰ মালিকৰ ল’ৰাটোৰ বিয়া হ’বলৈ ওলোৱাৰ বাবে পৰিয়ালটোক কোঠাটো খালী কৰিবলৈ কয় । ভুক্তভোগী যুৱতীগৰাকীয়ে সৰু ভনীয়েকৰ লগত এটা কোঠা এটা বিচাৰি আছিল । ভাৰাঘৰ বিচাৰি থকা সময়তে দুই ভগ্নীয়ে এজন দালালক লগ পালে আৰু দালালজনে কম দামতে ভাৰাঘৰ বন্দোৱস্ত কৰি দিয়া হ’ব বুলি ভগ্নীদ্বয়ক জনালে । কাপুৰথালা চ’কৰ সমীপত দালালজনে ভগ্নীদ্বয়ক তিনিজন বন্ধুক লগ ধৰিবলৈ কয় । ইয়াৰে এজনে ভগ্নীদ্বয়ক মাহে 10 হাজাৰ টকাত চাকৰিৰ লগতে বিনামূলীয়াকৈ কোঠা পাব বুলি জনায় ।
কোঠাটো দেখুৱাই দিয়াৰ অজুহাতত মাতি অনা হৈছিল: ফৈজুলাগাঞ্জ কেশৱনগৰত অৱস্থিত কোঠাটো দেখুৱাবলৈ ভগ্নীদ্বয়ক মাতি অনা হৈছিল বুলি অভিযোগ উত্থাপন কৰে ভুক্তভোগীয়ে । ভনীয়েকৰ সৈতে তাত উপস্থিত হোৱাৰ সময়ত তাত চাৰিজন লোক উপস্থিত আছিল । কোঠাটো দেখুৱাই তাৰ পিছত ভগ্নীদ্বয়ক চাহ খাবলৈ দিয়ে । চাহ খোৱাৰ পিছতে ভগ্নীদ্বয় অচেতন হৈ পৰে ।
উক্ত সময়তে, ঘৰটোত উপস্থিত পাঁচজন লোকে দুয়োগৰাকী ভগ্নীক দলবদ্ধ ধৰ্ষণ চলায় বুলি অভিযোগ তুলিছে ভুক্তভোগীয়ে । ইয়াৰ পিছত যেতিয়া তেওঁলোকৰ চেতনা ঘূৰি আহিছিল তেতিয়া অভিযুক্তই তেওঁলোকক অস্ত্ৰ দেখুৱাই ঘটনা সন্দৰ্ভত কাকো অৱগত নকৰিবলৈ অন্যথা প্ৰাণে মৰাৰ ভাবুকি প্ৰদান কৰিছিল ।
ঘটনা সন্দৰ্ভত থানাত কেবাবাৰো অভিযোগ উত্থাপন হৈছিল যদিও কোনো ব্যৱস্থা গ্ৰহণ কৰা হোৱা নাছিল বুলি জনায় ভুক্তভোগীয়ে । ইফালে, মাদিয়াৱ আৰক্ষী থানাৰ ভাৰপ্ৰাপ্ত বিষয়াই ফুটেজৰ লগতে CDR আৰু ভুক্তভোগীৰ স্থানও তন্নতন্নকৈ পৰীক্ষা কৰা হয় যদিও ঘটনা সঁচা বুলি প্ৰমাণিত নহ’ল বুলি জনায় ।
লগতে পঢ়ক: কোঠাৰ ভিতৰতে যুৱকক ছুৰীকাঘাত; প্ৰেমিকালৈ সন্দেহৰ আঙুলি
