নিউজ ডেস্ক, ৭ জুলাই : অসমত অব্যাহত থকা প্ৰলয়ংকাৰী বানত বহুলোকে প্ৰাণ হেৰুৱাত শোক প্ৰকাশ কৰিছে কংগ্ৰেছ নেত্ৰী প্ৰিয়ংকা গান্ধী ভাদ্ৰাই ৷ তদুপৰি কংগ্ৰেছ নেত্ৰীগৰাকীয়ে দলৰ কাৰ্যকৰ্তাসকলৰ প্ৰতি আহ্বান জনাইছে সাহায্য আৰু উদ্ধাৰ অভিযানত সক্ৰিয়ভাৱে অংশগ্ৰহণ কৰিবলৈ ৷
असम में बाढ़ की वजह से बड़ी संख्या में लोगों की मृत्यु का समाचार बहुत ही दुखद है। लगातार बिगड़ती स्थिति के चलते लाखों लोग राहत शिविरों में रह रहे हैं। काजीरंगा में बड़ी संख्या में जानवरों की भी मृत्यु हुई है और कई घायल हैं। हमारी संवेदनाएं असम के लोगों के साथ हैं।
— Priyanka Gandhi Vadra (@priyankagandhi) July 7, 2024
मैं कांग्रेस…
জলপ্লাৱনৰ ফলত অসমৰ জনতাই মৃত্যুত আকোঁৱালি ল’বলগীয়া হোৱাত শোক প্ৰকাশ কৰি প্ৰিয়ংকা গান্ধীয়ে শনিবাৰে এক্সত এক পোষ্ট কৰে ৷ পোষ্টটোত কংগ্ৰেছ নেত্ৰীগৰাকীয়ে লিখে, ‘‘ অসমত বানৰ ফলত বৃহৎসংখ্যক লোকৰ মৃত্যু হোৱাৰ খবৰ অতি দুখজনক ৷ পৰিস্থিতি ক্ৰমান্বয়ে অৱনতি ঘটাৰ ফলত লাখ লাখ লোকে সাহায্য শিৱিৰত বাস কৰি থাকিবলগীয়া হৈছে ৷ কাজিৰঙাতো বহু জন্তু মৃত্যু হোৱাৰ লগতে বহু জীৱ-জন্তু আহত হৈছে । অসমবাসীৰ প্ৰতি আমাৰ সমবেদনা জ্ঞাপন কৰিছোঁ ৷’’
তদুপৰি প্ৰিয়ংকা গান্ধীয়ে কয়, ‘‘ মই কংগ্ৰেছ নেতা-কৰ্মীসকলক সাহায্য আৰু উদ্ধাৰ অভিযানত সক্ৰিয়ভাৱে অংশগ্ৰহণ কৰিবলৈ অনুৰোধ জনাইছোঁ ৷ লগতে অনুৰোধ জনাইছো যে ৰাজ্য আৰু কেন্দ্ৰীয় চৰকাৰে ক্ষতিগ্ৰস্ত লোকসকলক সম্ভৱপৰ সকলো সহায় আগবঢ়াওক ।’’
লগতে পঢ়ক: অসমত যেন বিশেষ একোৱেই হোৱা নাই ! বানৰ সন্দৰ্ভত অমিত শ্বাহৰ পোষ্টক লৈ প্ৰতিক্ৰিয়া
উল্লেখ্য যে বিগত এমাহ ধৰি অসমত অব্যাহত থকা প্ৰলয়ংকাৰী বানৰ ফলত ৫৮ গৰাকী লোকে প্ৰাণ হেৰুৱাইছে শনিবাৰ পৰ্যন্ত ৷ অসম ৰাজ্যিক দুৰ্যোগ ব্যৱস্থাপনা প্ৰাধিকৰণৰ তথ্য অনুসৰি শনিবাৰে ছয়জন লোকে বানৰ কৱলত পৰি প্ৰাণ হেৰুৱায় ৷ ফলত ৰাজ্যখনৰ মৃত্যুৰ সংখ্যা ৫২ ৰ পৰা ৫৮ লৈ বৃদ্ধি হয় । ইয়াৰে আটাইতকৈ ধুবুৰী জিলা আটাইতকৈ বেছি ক্ষতিগ্ৰস্ত হৈছে ৷ ইয়াৰ পিচতে আছে কাছাৰ আৰু দৰং জিলা ৷
উল্লেখ্য যে শনিবাৰে এক্সযোগে গৃহমন্ত্ৰী অমিত শ্বাহে কয় যে অসমত বানসদৃশ পৰিস্থিতিৰ সৃষ্টি হৈছে ৷ কেন্দ্ৰীয় গৃহমন্ত্ৰীগৰাকীয়ে কয় যে বৰষুণৰ ফলত অসমত বানসদৃশ পৰিস্থিতিৰ সৃষ্টি হৈছে । এই সন্দৰ্ভত তেওঁ মুখ্যমন্ত্ৰী হিমন্ত বিশ্ব শৰ্মাৰ সৈতে বাৰ্তালাপত মিলিত হোৱা বুলি জানিবলৈ দিয়ে ৷ প্ৰধানমন্ত্ৰী নৰেন্দ্ৰ মোদী অসমবাসীৰ লগত থিয় দিয়া বুলি উল্লেখ কৰি অমিত শ্বাহে কয় যে এই বান পৰিস্থিতিৰ সন্দৰ্ভত সম্ভৱপৰ সকলোধৰণৰ সহায় আগবঢ়োৱা হ’ব ৷
লগতে পঢ়ক: অসমৰ বানক ৰাষ্ট্ৰীয় সমস্য়া ঘোষণা কৰিলে বিদেশী পৰ্যটক নহা হ’ব : মুখ্যমন্ত্ৰীৰ মন্তব্য
