নিউজ ডেস্ক, 23 ছেপ্টেম্বৰ: দিল্লীৰ নতুন মুখ্যমন্ত্ৰী আতিশী মাৰ্লেনাই সোমবাৰে দিল্লীৰ সচিবালয়ত থকা মুখ্যমন্ত্ৰীৰ কাৰ্যালয়ত উপস্থিত হৈ কাৰ্যভাৰ গ্ৰহণ কৰে ৷ দিল্লী সুৰা নীতি কেলেংকাৰীৰ গোচৰত কেজৰিৱাল গ্ৰেপ্তাৰ হোৱাৰ পিছত মাৰ্চ মাহৰ পৰা বন্ধ হৈ আছিল মুখ্যমন্ত্ৰীৰ কাৰ্যালয় ৷ আজি সচিবালয়ৰ তৃতীয় মহলাত থকা মুখ্যমন্ত্ৰীৰ কাৰ্যালয়ত উপস্থিত হয় আতিশী ৷
মুখ্যমন্ত্ৰী কাৰ্যালয়ৰ যিখন চকীত অৰবিন্দ কেজৰিৱাল বহিছিল, সেইখন চকী ব্যৱহাৰ কৰা নাই আতিশীয়ে ৷ সেই চকীখন খালী ৰাখি তাৰ কাষতেই আন এখন চকীত বহি আতিশীয়ে কাৰ্যভাৰ গ্ৰহণ কৰিছে ৷
#WATCH दिल्ली की नई मुख्यमंत्री आतिशी ने मुख्यमंत्री पद का कार्यभार संभाला। pic.twitter.com/B2CA3AWeJL
— ANI_HindiNews (@AHindinews) September 23, 2024
মুখ্যমন্ত্ৰীৰ কাৰ্যভাৰ গ্ৰহণ কৰি আতিশীয়ে কয় যে ৰাম যেতিয়া বনলৈ গৈছিল তেতিয়া ভৰতে ৰামৰ পাদুকাযোৰ সিংহাসনত ৰাখি অযোধ্যাত শাসন চলাইছিল ৷ তেওঁ সেইদৰেই অহা চাৰিমাহ দিল্লীত চৰকাৰ চলোৱাৰ চেষ্টা কৰিব বুলি আতিশীয়ে লগতে কয় ৷ মুখ্যমন্ত্ৰীৰ আসনৰ কাষতে আন এখন আসনত বহি চৰকাৰ চলাব আতিশীয়ে ৷
आज मैंने दिल्ली के मुख्यमंत्री की ज़िम्मेदारी सँभाली है। आज मेरे मन में वो ही व्यथा है जो भरत के मन में थी जब उनके बड़े भाई भगवान श्री राम 14 साल के वनवास पर गए थे, और भरत जी को अयोध्या का शासन सँभालना पड़ा था। जैसे भरत ने 14 साल भगवान श्री राम की खड़ाऊँ रख कर अयोध्या का शासन… pic.twitter.com/OkNEgtYIq4
— Atishi (@AtishiAAP) September 23, 2024
‘‘দিল্লীৰ মুখ্যমন্ত্ৰীৰ এই চকীখন অৰবিন্দ কেজৰিৱালৰ আৰু মোৰ সম্পূৰ্ণ বিশ্বাস আছে যে অহা চাৰিমাহ পিছত হ’বলগীয়া নিৰ্বাচনত দিল্লীবাসীয়ে পুনৰবাৰ অৰবিন্দ কেজৰিৱালক এই চকীত বহুৱাব ৷ এই চকীখন এই কোঠাতে থাকিব আৰু অৰবিন্দ কেজৰিৱাললৈ অপেক্ষা কৰিব ৷’’- আতিশী মাৰ্লেনা, মুখ্যমন্ত্ৰী, দিল্লী ৷
মুখ্যমন্ত্ৰী হিচাপে শপতগ্ৰহণৰ পিছত শনিবাৰেই আতিশীয়ে নিজৰ মন্ত্ৰীসকলৰ দপ্তৰ বিতৰণ কৰিছিল ৷ অৰবিন্দ কেজৰিৱাল যেতিয়া মুখ্যমন্ত্ৰী আছিল তেতিয়া কোনো বিভাগ নিজৰ লগত ৰখা নাছিল ৷ কিন্তু আতিশীয়ে দিল্লী চৰকাৰৰ প্ৰায়কেইটা মুখ্য বিভাগেই নিজৰ লগত ৰাখিছে ৷ দিল্লীৰ নতুন মুখ্যমন্ত্ৰীৰ লগত 13 টা বিভাগৰ দায়িত্ব আছে ৷ বিত্ত, শিক্ষা, শক্তি, জলকে ধৰি 13 টা বিভাগ নিজৰ লগত ৰাখি চৰকাৰ চলোৱাৰ দিশে আগবাঢ়িছে আতিশী ৷
Taking charge as the Chief Minister of Delhi. LIVE https://t.co/AvLpC8u1f6
— Atishi (@AtishiAAP) September 23, 2024
ইয়াৰ বিপৰীতে সৌৰভ ভৰদ্বাজক স্বাস্থ্য বিভাগ সহিতে 4 টা দপ্তৰৰ দায়িত্ব দিয়া হৈছে ৷ কেবিনেট মন্ত্ৰী গোপাল ৰায়ক পুনৰ পৰিবেশ মন্ত্ৰীৰ দায়িত্ব দিয়া হৈছে ৷ তেওঁৰ সৈতে পূৰ্বৰ পৰা থকা আটাইকেইটা বিভাগ আছে ৷ কৈলাশ গেহলোটকো পূৰ্বৰ দৰেই পৰিবহণ দপ্তৰ প্ৰদান কৰা হৈছে ৷ ইমৰাণ হুছেইনক খাদ্য আৰু গ্ৰাহক পৰিক্ৰমা বিভাগ, মুকেশ অহলাৱতক শ্ৰম আৰু অনুসূচিত জাতি-জনজাতি বিভাগৰ দায়িত্ব দিয়া হৈছে ৷ আতিশীৰ মন্ত্ৰীমণ্ডলত নতুনকৈ অন্তৰ্ভুক্ত মুকেশ অহলাৱতক পূৰ্বৰ মন্ত্ৰী ৰাজকুমাৰ আনন্দৰ সৈতে থকা সকলো বিভাগ দিয়া হৈছে ৷ তেৱোঁ আজি কাৰ্যভাৰ গ্ৰহণ কৰে ৷
দিল্লীৰ মুখ্যমন্ত্রী হিচাপে আতিশীৰ শপতগ্ৰহণ - Atishi takes oath as delhi cm
