নতুন দিল্লী : অসমৰ মুখ্যমন্ত্ৰী ড৹ হিমন্ত বিশ্ব শৰ্মাই সোমবাৰে দিল্লীত কেন্দ্ৰীয় জল শক্তিমন্ত্ৰী চি আৰ পাটিলক সাক্ষাৎ কৰি হৰ ঘৰ জলৰ পদক্ষেপৰ অধীনত ৰাজ্যখনৰ অগ্ৰগতিৰ বিষয়ে আলোচনা কৰে । তেওঁ লগতে অসমৰ ৮০ শতাংশতকৈ অধিক গ্ৰাম্য পৰিয়ালত এতিয়া পানীৰ নল সংযোগ আছে বুলিও উল্লেখ কৰে । এই আঁচনিখন ৰাজ্যত সম্পূৰ্ণৰূপে ৰূপায়ণ কৰিবলৈ কেন্দ্ৰীয় চৰকাৰৰ পৰা সহযোগিতা বিচাৰে মুখ্যমন্ত্ৰী ড৹ শৰ্মাই ।
বিভাগীয় কৰ্তৃপক্ষই জাৰি কৰা এক আনুষ্ঠানিক বিবৃতিত উল্লেখ কৰা মতে, বৈঠকৰ সময়ত মুখ্যমন্ত্ৰী শৰ্মাই কেন্দ্ৰীয় মন্ত্ৰী পাটিলক প্ৰধানমন্ত্ৰীৰ ‘‘হৰ ঘৰ জল’’ৰ দৃষ্টিভংগী ৰূপায়ণৰ ক্ষেত্ৰত অসমে যি উল্লেখযোগ্য অগ্ৰগতি লাভ কৰিছে, সেই বিষয়ে অৱগত কৰে ৷ যাৰ অধীনত ৰাজ্যত ৮০ শতাংশতকৈ অধিক পানীৰ নল সংযোগৰ ব্যৱস্থা কৰা হৈছে বুলি বিবৃতিত উল্লেখ আছে ৷
আঁচনিখনৰ ৰোডমেপৰ বিষয়ে আলোচনা কৰি মুখ্যমন্ত্ৰী ড৹ শৰ্মাই কেন্দ্ৰীয় মন্ত্ৰীগৰাকীক ‘‘হৰ ঘৰ জল’’ পদক্ষেপক আগুৱাই নিয়াত আৰু ইয়াৰ সম্পূৰ্ণ ৰূপায়ণ সুনিশ্চিত কৰাত অসমক সহায় কৰিবলৈ আহ্বান জনায় । বিবৃতিটোত উল্লেখ কৰা মতে, কেন্দ্ৰীয় মন্ত্ৰীগৰাকীয়ে মুখ্যমন্ত্ৰীক আশ্বাস দিয়ে যে তেওঁৰ মন্ত্ৰালয়ে জল জীৱন অভিযানৰ অধীনত অসমক চেচুৰেচন লাভৰ ক্ষেত্ৰত সম্পূৰ্ণ সহায় আগবঢ়াব ।
উল্লেখ্য যে, সোমবাৰৰ এই আলোচনাৰ সময়ত কেন্দ্ৰীয় বৈদেশিক পৰিক্ৰমা ৰাজ্যিক মন্ত্ৰী পবিত্ৰ মাৰ্ঘেৰিটা, অসমৰ মুখ্য সচিব ৰবি কোটাকে ধৰি জল শক্তি মন্ত্ৰালয়ৰ উচ্চপদস্থ বিষয়াসকলো উপস্থিত থাকে ।
জল জীৱন অভিযানৰ অধীনত জল শক্তি মন্ত্ৰালয়ে ২০১৯ চনত আৰম্ভ কৰিছিল ‘‘হৰ ঘৰ জল’’ আঁচনি । বিবৃতিটোত উল্লেখ আছে যে ২০২৪ চনৰ ভিতৰত প্ৰতিটো গ্ৰাম্য পৰিয়ালক নিয়মীয়া আৰু দীৰ্ঘম্যাদী ভিত্তিত প্ৰতিজন ব্যক্তিয়ে প্ৰতিদিনে ৫৫ লিটাৰ পানীৰ নল যোগান ধৰাৰ লক্ষ্য ৰাখিছে ।
X ৰ এটা পোষ্টত মুখ্যমন্ত্ৰী ড৹ শৰ্মাই লিখিছে -
Assam is vigorously implementing Hon'ble Prime Minister's vision of Har Ghar Jal and we have so far achieved over 80% of our tap water connection target.
— Himanta Biswa Sarma (@himantabiswa) December 2, 2024
To take the Jal Jeevan initiative further & ensure its saturation in the State, I held a meeting with Hon'ble Union Minister… pic.twitter.com/VRBx5qK0Mw
"মাননীয় প্ৰধানমন্ত্ৰীৰ হৰ ঘৰ জলৰ দৃষ্টিভংগীক অসমে কঠোৰভাৱে কাৰ্যকৰী কৰি আছে আৰু আমি এতিয়ালৈকে আমাৰ নলৰ পানী সংযোগৰ লক্ষ্যৰ ৮০%তকৈও অধিক লাভ কৰিছো ৷
জল জীৱনৰ পদক্ষেপক আৰু আগুৱাই নিবলৈ আৰু ৰাজ্যত ইয়াৰ পৰিপূৰ্ণতা নিশ্চিত কৰিবলৈ আজি মাননীয় কেন্দ্ৰীয় মন্ত্ৰী শ্ৰী @CRPaatil জীৰ সৈতে এক বৈঠকত মিলিত হৈ প্ৰকল্পটোৰ বাবে আগন্তুক ৰোডমেপ সম্পৰ্কে আলোচনা কৰিলো ।"
(ANI)
