নেশ্যনেল ডেস্ক,৩ ছেপ্টেম্বৰ : গুজৰাট উপকূলৰ সমীপত ভয়ংকৰ দুৰ্ঘটনা । সোমবাৰে নিশা গুজৰাট উপকূলৰ সমীপৰ আৰৱ সাগৰত ভাৰতীয় উপকূলৰক্ষী বাহিনীৰ এডভান্স লাইট হেলিকপ্টাৰ (এএলএইছ) দুৰ্ঘটনাগ্ৰস্ত হয় । এই দুৰ্ঘটনাৰ ফলত প্ৰায় ৩ গৰাকী ক্ৰু সদস্য সন্ধানহীন হোৱাৰ খবৰ পোৱা গৈছে ।
জানিব পৰা মতে, গুজৰাটৰ মটৰ টেংকাৰ হৰি লীলা অফ পোৰবন্দৰৰ পৰা এজন আহত ক্ৰু সদস্যক উদ্ধাৰৰ বাবে যোৱাৰ সময়তে এই দুৰ্ঘটনাটো সংঘটিত হয় । হেলিকপ্টাৰখনে জৰুৰীকালীনভাৱে হাৰ্ড লেণ্ডিং কৰিব লগা হৈছিল আৰু তেনে সময়তে সাগৰত পৰি যায় ।
- ভাৰতীয় উপকূলৰক্ষী বাহিনীৰ হেলিকপ্টাৰ দুৰ্ঘটনা
ইতিমধ্যে ৪ গৰাকী ক্ৰু সদস্যৰ ভিতৰত এজনক উদ্ধাৰ কৰা হৈছে ৷ আনহাতে বাকী ৩ গৰাকীৰ বাবে অনুসন্ধান অভিযান চলি আছে । ভাৰতীয় উপকূলৰক্ষী বাহিনীৰ এই উদ্ধাৰ অভিযানত ৪ খন জাহাজ আৰু দুখন বিমান জড়িত হৈ আছে ।
On 02 Sep 2024, @IndiaCoastGuard ALH helicopter was launched at 2300 hrs to evacuate an injured crew member from the Motor Tanker Hari Leela off #Porbandar, #Gujarat. The helicopter had to make an emergency hard landing and ditched into sea. One crew member recovered, search for…
— Indian Coast Guard (@IndiaCoastGuard) September 3, 2024
- উদ্ধাৰ অভিযান অব্যাহত
এই দুৰ্ঘটনা সন্দৰ্ভত এক্সৰ এটা পোষ্টত ভাৰতীয় উপকূলৰক্ষী বাহিনী জনাইছে যে এজন ক্ৰু সদস্যক উদ্ধাৰ কৰা হৈছে আনহাতে বাকী ৩ জনক বিচাৰি অনুসন্ধান চলি আছে আৰু উদ্ধাৰ প্ৰচেষ্টাৰ বাবে ৪ খন জাহাজ আৰু দুখন হেলিকপ্টাৰ মোতায়েন কৰা হৈছে ।
উল্লেখ্য যে, মটৰ টেংকাৰক সহায় কৰাৰ বাবে এক অভিযানৰ অংশ হিচাপে ২ ছেপ্টেম্বৰৰ নিশা ১১ বজাত হেলিকপ্টাৰখনে উৰা মাৰিছিল । ভাৰতীয় উপকূলৰক্ষী বাহিনীয়ে নিশ্চিত কৰিছে যে অনুসন্ধান আৰু উদ্ধাৰ অভিযান চলি আছে আৰু সন্ধানহীন কৰ্মচাৰীসকলক বিচাৰি উলিওৱা আৰু উদ্ধাৰ কৰাৰ চেষ্টা কৰি থকা হৈছে ।
