نوجوان کا شراب پلا کر قتل، لاش گڑھے میں پھینک دی، چار ملزمان گرفتار

علی گڑھ: برلا تھانہ علاقے کے کھڈو پورہ گاؤں میں پیر کو 35 سالہ نوجوان راجو کا قتل کر دیا گیا۔ اطلاع پر پہنچی پولیس نے لاش کو پوسٹ مارٹم کے لیے بھیج کر معاملے کی تفتیش شروع کردی۔ متوفی کے والد شیام لال نے بتایا کہ گاؤں کے دو لوگ اس کے بیٹے کو گھر سے لے گئے اور بھٹے پر بیٹھ کر شراب پی، اس کے بیٹے کو قتل کردیا، ملزمان لاش کو گڑھے میں ڈال کر بھاگ گئے۔ دریں اثنا، برلا سی او سرجنا سنگھ نے کہا، اس معاملے میں چار ملزمان کو گرفتار کیا گیا ہے۔