کل سابق صدر اے پی جے عبدالکلام کی برسی، یوپی کے مدارس میں سائنس نمائش کا انعقاد کیا جائے گا: وزیر مملکت دانش آزاد انصاری کی ہدایات
کل سابق صدر اے پی جے عبدالکلام کی برسی، یوپی کے مدارس میں سائنس نمائش کا انعقاد (Photo credit: ETV Bharat)
Published : Jul 26, 2024, 4:06 PM IST
لکھنؤ: یوپی میں اقلیتی بہبود کے وزیر مملکت دانش آزاد انصاری نے 27 جولائی کو ریاست کے تمام مدارس میں سائنس نمائش منعقد کرنے کی ہدایات جاری کی ہیں۔ یہ پروگرام بھارت رتن سابق صدر اے پی جے عبدالکلام کی برسی کے موقع پر منعقد کیا جائے گا۔ دانش آزاد انصاری نے کہا کہ اے پی جے عبدالکلام کی زندگی ہم سب کے لیے متاثر کن ہے۔ انہوں نے بھارت کو سائنس کے میدان میں نئی بلندیوں پر پہنچایا۔ انہوں نے کہا کہ ہماری حکومت معاشرے کے ہر طبقے کو ترقی اور بہتر تعلیم دینے کے لیے کام کررہی ہے۔