آگرہ میں شیئرز میں سرمایہ کاری کے نام پر جوتوں کے تاجر کو 25 لاکھ روپے کا دھوکہ

آگرہ: ضلع میں شیئرز میں سرمایہ کاری کے نام پر جوتوں کے تاجر عمران سے 25 لاکھ روپے کی دھوکہ دہی کا معاملہ سامنے آیا ہے۔ اطلاع ملنے پر پولیس نے سائبر جرائم پیشہ گروہ کے بینک اکاؤنٹ میں بھیجی گئی کچھ رقم منجمد کردی۔ تاج گنج تھانے انچارج انسپکٹر جسویر نے بتایا کہ جوتوں کے تاجر کی شکایت پر سائبر سیل سے تحقیقات میں مدد لی جارہی ہے۔ سائبر پولس اسٹیشن کی انچارج انسپکٹر پونم شرما نے اپیل کی ہے کہ لوگ کسی بھی پیغام کا شکار نہ ہوں۔ آپ ہوشیار رہ کر دھوکہ دہی سے بچ سکتے ہیں۔