سیاسی مستقبل کے سوال پر جیا پردا ہوگئیں ناراض، کہا- بی جے پی کے بڑے لیڈر سے کریں سوال
Published : Jul 12, 2024, 5:26 PM IST
رام پور: فلم اداکارہ اور سابق رکن پارلیمنٹ جیا پردا کو جمعرات کو عدالت نے لوک سبھا انتخابات 2019 کے دوران ضابطۂ اخلاق کی خلاف ورزی کے معاملے میں بری کردیا ہے۔ جیا پردا جمعہ کو رام پور کے تاریخی شیو مندر پہنچیں۔ یہاں انہوں نے جلبھیشیک کی اور پوجا کی۔ سیاسی مستقبل سے متعلق سوال پر جیا پردا نے کہا کہ جو بی جے پی کے سرکردہ لیڈر ہیں، ان سے پوچھیں۔ اس کے علاوہ اعظم خان کے سوال پر جیا پردا نے طنز کیا کہ اب ان کے بارے میں کیا کہوں؟ وہ جیل میں ہیں۔