اتر پردیش میں بی جے پی کو عوام کی ناراضگی کا سامنا کرنا پڑا - lok sabha Election Results 2024

سماجی کارکن اور سیاسی تجزیہ کار یوگیندر یادو نے ایکس پر اپنے ایک پرانے پوسٹ کو شئیر کرتے ہوئے لکھا ہے کہ لوک سبھا انتخابات کے نتائج سے اتر پردیش میں تہلکہ مچ جائے گا۔ بی جے پی کے لئے سابقہ کارکردگی کو دہرانا نا ممکن ہے کیونکہ لوگوں میں زبردست غصہ پایا جا ریا ہے۔

لکھنو:انتخابی تجزیہ کار یوگیندر یادو نے پہلے ہی خدشہ ظاہر کیا تھا کہ اتر پردیش میں بڑی تبدیلی آسکتی ہے۔ بی جے پی لوگوں کی ناراضگی کو سمجھنے میں غلطی اور دیر کر دی ہے۔ انہوں نے کہا تھا کہ میرٹھ سے بنارس تک بی جے پی کے ہاتھوں تمام ذاتوں کے ووٹ نکل چکا ہے۔ بی جے پی کے لئے 60 سیٹیں تو دور کی بات ہے 50 سیٹوں تک پہنچنا ناممکن ہے۔

یوگیندر یادو نے کہا تھا کہ وزیراعظم نریندر مودی کے تئیں غصہ نہیں ہے بلکہ بے حسی ہے۔ یہ بھی بتایا گیا کہ اس بار راشن کے نام پر ووٹ نہیں ہوگا۔ انہوں نے اتر پردیش کے کئی مسائل کا ذکر کیا۔ ان کا یہ بھی کہنا تھا کہ اراکین اسمبلی اور مقامی لیڈروں کے خلاف عوام میں زبردست غصہ ہے۔ ساتھ ہی صاف کہہ دیا کہ کانگریس اور ایس پی کے ووٹ برقرار ہیں۔

انہوں نے کہاکہ بی جے پی کے ایک چوتھائی ووٹر اس بار اسے ووٹ نہیں دیں گے۔ اگر 2019 میں بی جے پی کے ووٹروں کا دسواں حصہ بھی ایس پی اور کانگریس کے پاس جاتا ہے تو اسے 20 سیٹوں کا نقصان ہو سکتا ہے۔ اگر اس سے زیادہ ووٹ ضائع ہوئے تو نتیجہ بالکل اس کے برعکس ہو جائے گا۔

ووٹوں کی گنتی کی صورتحال کے بارے میں بات کریں تو اتر پردیش میں سماج وادی پارٹی 36 سیٹوں پر آگے ہے، جبکہ بی جے پی نے 2019 کے لوک سبھا انتخابات میں 62 سیٹیں جیتی تھیں اس بار 33 سیٹوں پر آگے ہے۔کانگریس 7 سیٹوں پر آگے ہے۔