میرٹھ: علما کی وقف بل کی مخالفت میں کیو آر اسکین کر کے ای میل کرنے کی اپیل - Waqf Amendment Bill

میرٹھ میں نماز جمعہ کے بعد شہر کی شاہی جامع مسجد سے شہر قاضی پروفیسر قاضی زین الساجیدین نے مسلمانوں سے اس بل کے خلاف سو فیصد رائے دینے کی اپیل کی تاکہ اوقاف کی املاک کو بچایا جا سکے۔ انہوں نے کہا کہ مسلم پرسنل لا بورڈ کی جانب سے جاری کیے گئے کیو آر کوڈ کو اسکین کرکے آپ اپنی مخالفت درج کرا سکتے ہیں۔

میرٹھ:ریاست اتر پردیش کے ضلع میرٹھ میں آج وقف ترمیمی بل کے خلاف شہر کی شاہی جامع مسجد کے علاوہ دیگر مساجد سے نماز جمعہ کے خطبے میں مسلمانوں سے اپیل کی گئی کہ وہ وقف ترمیم بل کے خلاف اپنی رائے زیادہ سے زیادہ جے پی سی کو ای میل کریں۔ علما نے کہا کہ آل انڈیا پرسنل لا بورڈ کی جانب سے جاری کیے گئے QR CODE کو اسکین کر کے بل کے تئیں اپنی مخالفت کا اظہار کریں۔

میرٹھ کی مختلف مساجد کے علاوہ شہر میں مسلم اکثریتی علاقوں میں مدارس طلباء کے ساتھ مقامی لوگوں نے بھی جگہ جگہ کیو آر کوڈ کی فوٹو لیکر اس بل کے خلاف اپنی رائے درج کرانے کی اپیل کی۔ اس موقعے پر شہر قاضی میرٹھ نے مسلمانوں سے اپیل کرتے ہوئے کہا کہ زیادہ سے زیادہ اس بل کے خلاف اپنی رائے اسکین کوڈ کے ذریعے درج کرائیں۔

اسی کے ساتھ انہوں نے کہا کہ اوقاف جائیداد کا مسئلہ تمام مسلمانوں کا مسئلہ ہے۔ لیکن کچھ فرقہ پرست غیر مسلم تنظیمیں اس بل کے حق میں اپنا ووٹ کر رہی ہیں، یہ بڑے افسوس کا مقام ہے۔ وہیں آل انڈیا ملی کانسل کے صدر قاری شفیق الرحمان قاسمی نے حکومت ہند سے اس بل کو واپس لیے جانے کا مطالبہ کیا۔ اسی کے ساتھ انہوں مسلمانوں سے وقف ترمیمی بل کے خلاف زیادہ سے زیادہ ای میل بھیجنے کی اپیل بھی کی۔