Published : Jul 30, 2024, 5:03 PM IST
نئی دہلی: ترنمول کانگریس کے لیڈر انوبرتا منڈل نے مویشی اسمگلنگ کیس میں ضمانت کی عرضی دائر کی تھی۔منگل کے روز سپریم کورٹ نے انہیں ضمانت دے دی ہے۔
کئی مہینوں کے بار بار سمن، پیشی اور عدم پیشی کے بعد 11 اگست 2022 کو بیربھوم کے بولپور میں واقع انوبرتا منڈل کے گھر پر سی بی آئی کی ٹیم پہنچی۔ طویل پوچھ گچھ کے بعد سی بی آئی کی ٹیم نے انوبرت منڈل کو گرفتار کرلیا۔ پہلے سی بی آئی کی حراست میں رکھا گیا۔ اس کے بعد میں آسنسول میں واقع جیل میں بھیج دیا گیا۔
سی بی آئی اور انفورسمنٹ کی تفتیش کے دوران انوبرتا منڈل کو تہاڑ جیل منتقل کردیا گیا۔تقریبا دو برسوں تک انور برت منڈل تہاڑ جیل میں رہے۔اس کے بعد انفورسمنٹ ڈائریکٹوریٹ نے انہیں اپنی تحویل میں لینا چاہا۔ اس پر ایک طویل بحث ہے۔
یہ بھی پڑھیں:انوبرتا منڈل کی درخواست ضمانت سپریم کورٹ سے خارج
انوبرتا منڈل نے کئی بار ضمانت کی درخواست دی ہے۔ لیکن ہر بار اسے مسترد کیا گیا ہے۔ بالآخر منگل کو سپریم کورٹ نے انہیں ضمانت دے دی۔ ضمانت ملنے کے بعد انوت برت منڈل کی جیل سے رہائی ممکن نہیں ہے کیونکہ دیگر معاملات زیر سماعت ہے۔ انوبرتا منڈل کے وکیل ان کی رہائی کو یقینی بنانے کی کوشش میں مصروف ہیں۔