نوجوان کو پیٹ پیٹ کر مار ڈالا گیا، لٹیرے خاتون سے زنجیر چھین کر فرار - Young Man was Beaten to Death

bandits snatched the chain from the woman and escaped: نوئیڈا میں بدمعاش اتنے نڈر ہوگئے ہیں کہ پولیس سے بھی خوف نہیں کھا رہے ہیں۔ تازہ واقعہ میں یہاں نوجوان کو پیٹ پیٹ کر ہلاک کر دیا گیا، جب کہ دوسری جانب لٹیرے، ایک خاتون سے زنجیر چھین کر فرار ہوگئے ہیں۔ پولیس دونوں معاملوں میں تفتیش میں مصروف ہوگئی ہے۔

نوئیڈا:ریاست اتر پردیش کے ہائی ٹیک شہر نوئیڈا میں جرائم بے قابو ہوتے جارہے ہیں۔ جب کہ پولیس کا دعویٰ ہے کہ جرائم کو روکنے کے لیے مسلسل گشت کیا جا رہا ہے۔ لیکن اس کے بعد بھی بدمعاش وارداتیں انجام دے رہے ہیں۔ نئے تازہ معاملہ میں ایک نوجوان کو پیٹرول پمپ کے پاس پیٹرول ڈلوانے کے تنازع کے بعد پیٹ پیٹ کر مار ڈالا گیا وہیں نوئیڈا کے اہم بازار اٹا پیر میں سرِ عام ایک خاتون کی چین چھین کر لٹیرے فرار ہو گئے۔ نوئیڈا میں سی این جی پمپ پر قطار میں کھڑے دو کار مالکان کے درمیان جھگڑا ہوا، جس کے بعد بدمعاشوں نے کار سے لاٹھیاں نکالیں اور دوسری کار میں موجود شخص کو بری طرح پیٹا۔ متاثرہ کو تشویشناک حالت میں اسپتال لے جایا گیا، جہاں ڈاکٹروں نے اسے مردہ قرار دے دیا۔

متوفی امن کسانا سنٹرل نوئیڈا کے ایکوٹیک 3 تھانہ علاقے میں کھیڑا چوہان پور کے قریب سی این جی پمپ پر اپنی کار میں ایندھن بھرنے گیا تھا، جب گاڑی کی قطار میں کھڑے ہونے پر اس کا دوسری کار میں بیٹھے غنڈوں سے جھگڑا ہوگیا۔ جس کے بعد غنڈوں نے گاڑی سے لاٹھیاں اور ڈنڈے نکال کر امن کو بری طرح پیٹا اور سر پر شدید چوٹ پہنچائی ۔ اس لڑائی میں امن شدید زخمی ہو گئی جس کے بعد ملزمان موقع سے فرار ہو گئے۔ متاثرہ کو تشویشناک حالت میں قریبی اسپتال میں داخل کرایا گیا، جہاں علاج کے دوران اس کی موت ہوگئی۔

مزید ایک اور واردات
دوسری واردات میں گریٹر نوئیڈا ایکسٹینشن میں رہنے والے دھیرج کمار ورما نے بتایا کہ وہ اپنی ماں کے ساتھ سیکٹر 18 کے بازار میں کسی کام سے آئے تھے۔ اس کی ماں کام کے دوران ہلدی رام کے پاس کھڑی تھی۔ اسی دوران موٹر سائیکل پر سوار دو بدمعاش ان کے قریب آئے اور ان کے گلے سے سونے کی چین چھین کر فرار ہوگئے۔ واردات کے وقت موقع پر کافی بھیڑ تھی۔ ان کی ماں نے بھی کافی شور مچایا لیکن بدمعاش تیز رفتار موٹر سائیکل پر سوار دہلی کی طرف فرار ہو گئے۔