سہ روزہ بودھ مہوتسو کا ریاستی وزیر اسرائیل منصوری کے ہاتھوں افتتاح

Inauguration of Buddha Mahotsav۔ Buddha Mahotsav in Gaya۔ ریاستی وزیر انفارمیشن اینڈ ٹکنالوجی اسرائیل منصوری کے ہاتھوں بودھ مہوتسو کا افتتاح ہوا ہے، تین روزہ بودھ مہوتسو میں کئی معروف فنکاروں کی پیش کش کے ساتھ گرام پنچایت درشن اور محکمہ جاتی اسٹال بھی لگے ہیں تاکہ یہاں آنے والے لوگ استفادہ کرسکیں۔

گیا:ریاست بہار کا عالمی شہرت یافتہ شہر ' بودھ گیا شہر ' میں تین روزہ بدھ مہوتسو شروع ہوگیا ہے، افتتاح میں محکمۂ ٹیکنالوجی کے وزیر اسرائیل منصوری اور وزیر زراعت کمار سروجیت نے شمع روشن کرکے کیا ہے، میلہ تین روز تک جاری رہے گا۔ اس موقع پر تین روز تک رنگا رنگ پروگرام بھی پیش کیے جائیں گے۔ بدھ مذہب کی پیروی کرنے والے ممالک کے فنکار اس موقع پر اپنے اپنے ملک کی بھی ثقافتی پیشکشیں پیش کریں گے۔ بودھ مہوتسو میں گرام پنچایت درشن کے نام سے ایک خصوصی گیلری بھی بنائی گئی ہے۔ 50 سے زائد پنچایتوں کی جانب سے اسٹالز لگائے گئے ہیں۔ اس کے علاوہ بہاری کھانوں کے خصوصی اسٹال بھی لگائے گئے ہیں۔ اس موقع پر ' تتھاگت ' نام کے کتابچہ کا بھی وزیر اسرائیل منصوری کے ہاتھوں رسم اجرا ہوئی۔ انہوں نے ساتھ ہی تل کی کاشت کے بارے میں بھی ایک کتابچہ جاری کیا۔

پروگرام کے افتتاحی خطاب میں ڈی ایم ڈاکٹر تیاگ راجن نے بودھ مہوتسو کی اہمیت اور بودھ گیا کی ترقی پر روشنی ڈالی۔ انہوں نے بتایا کہ یہاں دستکاری میلہ بھی منعقد کیا گیا ہے۔ پنچایت درشن اسٹال کا مقصد انعامی مقابلہ اور اچھے تاثرات کے لیے کیا گیا ہے۔ بہتر کام کرنے والی پنچایتوں کو ایوارڈ سے نوازا جائے گا۔ میلے کے پہلے دن ثقافتی پروگرام کے ایک حصے کے طور پر مشہور فلمی گلوکار کنال گنجا والا نے اپنی گلوکاری کا مظاہرہ کیا۔ اسی طرح اگلے روز صوفی گلوکار عرفان، ممتا جوشی اور نیرج سریدھر اپنی آواز کا جادو بکھریں گے۔ اس پروگرام کے دوران بیرون ملک کے فنکار بھی اپنے فن کا مظاہرہ کریں گے۔