راجستھان: شادی تقریب سے واپس آرہی وین کی ٹرالی سے تصادم، ۹ افراد ہلاک - ACCIDENT IN JAHLAWAR

ضلع جھالاواڑ کے اکلیرہ میں تیز رفتار بے قابو ٹرالی نے شادی کی تقریب سے واپس آرہی ایک وین کو ٹکر مار دی۔ جس کے نتیجے میں 9 افراد ہلاک ہوگئے۔

راجستھان: ضلع کے اکلیرہ تھانہ علاقہ میں ایک دل دہلا دینے والا حادثہ پیش آیا۔ تیز رفتار بے قابو ٹرالی نے وین کو ٹکر مار دی، جس سے حادثے میں ایک ہی سوسائٹی کے 9 لوگوں کی موت واقع ہو گئی، حادثہ آج صبح پیش آیا۔ اطلاعات کے مطابق سبھی لوگ ایک وین میں مدھیہ پردیش سے ڈونگرگاؤں اپنے گھر واپس جا رہے تھے۔ اسی دوران علاقے پچولا کے قریب بے قابو ٹرالی نے وین کو ٹکر مار دی۔

اکلیرہ تھانے کے انچارج سندیپ بشنوئی نے بتایا کہ اکلیرہ کے قریب ڈونگر گاؤں کے باگری برادری کے لوگ ہفتہ کو اپنے رشتہ دار کی شادی کی تقریب میں مدھیہ پردیش گئے تھے۔ اسی دوران شادی کی بارات سے واپس آتے وقت ان کی وین تیز رفتار ٹرالی سے ٹکرا گئی۔ انہوں نے بتایا کہ اس حادثے میں 9 افراد کی موت ہو گئی ہے۔ فی الحال پولیس نے مقتولین کی لاشوں کو اکلیرہ کے کمیونٹی ہیلتھ سینٹر میں رکھا ہوا ہے۔

اسٹیشن انچارج نے بتایا کہ سبھی لوگ باگری برادری سے تعلق رکھتے ہیں۔ فی الحال پولیس حادثے کی وجہ جاننے کی کوشش کر رہی ہے۔ انہوں نے کہا کہ خاندان کے افراد کو حادثے کی اطلاع دے دی گئی ہے۔ اہل خانہ کی شکایت کے بعد ہی مزید کارروائی کی جائے گی۔ غور طلب ہو کہ گزشتہ چند دنوں میں ضلع میں یہ دوسرا بڑا حادثہ ہے اس سے قبل گنگادھر تھانے میں بھی ایک ڈمپر سے کچل کر پانچ افراد کی موت کا دل دہلا دینے والا واقعہ سامنے آیا تھا۔