میرٹھ میں فلاح انسانیت کی جانب سے ضرورت مندوں کے درمیان عید کٹس تقسیم - EID Kits Distribution In Meerut

EID Kits Among Needy Person in Meerut: ضلع میرٹھ میں واقع سماجی تنظیم فلاح انسانیت کی جانب سے غریب اور ضرورت مندوں کے درمیان عید کٹس تقسیم کیے گئے۔ اس موقعے پر تنظیم کے ذمہ داران کا کہنا ہے کہ غریبوں تک دو وقت کی روٹی پہنچنا ہی ہمارا اہم مقصد ہے۔

میرٹھ: ریاست اتر پر دیش کے ضلع میرٹھ میں واقع سماجی ادارہ فلاح انسانیت کی جانب سے ضرورت مندوں کے درمیان عید کٹس تقسیم کیے گئے۔ اس موقعے پر درجنوں غریب ضرورت مندوں کو عید کٹس فراہم کیے گئے۔ عید کٹس کی تقسیم کا مقصد غریب اور ضرورت مندوں تک رمضان کے آخری عشرے اور عید سے قبل راشن کی قلت کچھ حد تک دور کرنے کی کوشش تھی۔

سماجی تنظیم فلاح انسانیت کے اراکین صاحب حیثیت افراد کی مدد سے تقریبا بارہ برسوں سے میرٹھ میں غریب اور ضرورت مندوں کے لیے کھانے پینے کی اشیاء کے علاوہ مالی تعاون کا سلسلہ جاری رکھا ہے۔ تنظیم کے ارکین غریب لوگوں کی پریشانیوں کو دور کرنے کی کوشش کر رہے ہیں تاکہ وہ بھی دوسروں کی طرح خوشحال زندگی گزار سکیں۔

اراکین کا کہنا ہے کہ رمضان المبارک کے مہینے میں زکوۃ اور فطرے کی رقم سے مستحق لوگوں کے لیے عید کٹس تیار کر تقسیم کی جا رہی ہے تاکہ وہ بھی عید کے تہوار کی خوشی محسوس کر سکیں۔ سماج کے ایسے ہی ضرورت مند اور مستحق افراد تک مدد پہنچانے کے لئے پروگرامز کا اہتمام کیا جاتا ہے۔مستقبل میں بھی تنظیم کی جانب سے غریبوں اور ضرورت مندوں کی مدد کا سلسلہ جاری رکھنے کی کوشش کی جائے گی۔