کھیرالو جھڑپ معاملہ: ایس ڈی پی آئی گجرات نے ڈی جی پی کو میمورنڈم دیا

SDPI Memorandum on Kheralu Clash Incident گجرات کے کھیرالو میں شوبھا یاترا کے دوران دو گروپوں کے درمیان جھڑپ سے علاقے میں کشیدگی پھیل گئی۔ ایس ڈی پی آئی کے کارکنان نے اس واقعے کے بعد پولیس کی یکطرفہ کارروائی پر ناراضگی کا اظہار کرتے ہوئے ڈی آئی جی کو ایک میمورنڈم سونپا۔

احمدآباد:ایس ڈی پی آئی سوشل ڈیموکریٹک پارٹی آف انڈیا گجرات کے ریاستی صدر اویس شیخ نے بتایا کہ پارٹی کے عہدیداروں نے آج گجرات ریاست کے ڈی جی پی سے ملاقات کی اور کھیرالو جھڑپ معاملے کی غیر جانبدارانہ انکوائری کا مطالبہ کیا۔ انہوں نے بتایا کہ گزشتہ روز 22 جنوری کو رام مندر کے پران پرتشتھا موہتسو کے موقع پر ریاست بھر میں سوبھایاترا کا انعقاد کیا گیا تھا۔ کھیرالو بہلیم واس میں بھی سوبھایاترا کا انعقاد کیا گیا۔اس دوران چندسماج دشمن عناصر نے پر امن فضا کو مکدر کرنے کی شازش کی۔ یاترا میں شامل چند لوگوں نے مبینہ طور پر ہتھیاروں کی نمائش کی ۔ اس یاترا میں تلواروں کی نمائش کی اجازت کس نے دی؟ ایک سوال ہے اور اشتعال انگیز نعرے لگا کر ماحول بگاڑنے کی کوشش کی۔

انہوں نے کہاکہ اس کی ویڈیوز سوشل میڈیا پر وائرل ہو رہی ہیں۔اس کو لے کر دونوں گروپوں کے درمیان تصادم ہوا۔ پولس نے سیاسی لیڈروں کے اشارے پر مسلم کمیونٹی کے لوگوں کے خلاف یک طرفہ کارروائی کی۔اس کو لے کر علاقے میں دہشت کا ماحول ہے۔ ان کا کہنا ہے کہ ہماری پارٹی ایس ڈی پی آئی اس پورے واقعے کی مذمت کرتی ہے۔پولیس انتظامیہ سے مطالبہ ہے کہ اس معاملے کی غیر جانبدارانہ تفتیش کرے۔