سنبھل: یوپی کے سنبھل سے سماج وادی پارٹی کے رکن پارلیمنٹ ضیاء الرحمن برق کی مشکلات کم ہونے کے آثار نظر نہیں آ رہے ہیں۔ ان کے خلاف سرکاری عملے کی جانب سے کارروائی جاری ہے۔ بجلی چوری کا مقدمہ درج ہونے کے بعد اب محکمہ بجلی نے ان کے خلاف ایک اور بڑی کارروائی کی ہے۔ محکمہ بجلی نے ایس پی ایم پی پر 1 کروڑ 91 لاکھ روپے کا جرمانہ لگایا ہے۔
اس سے پہلے 24 نومبر کو سنبھل میں ہوئے تشدد کو بھڑکانے کے الزام میں صدر کوتوالی میں ایس پی ایم پی کے خلاف مقدمہ درج کیا گیا تھا۔ اس کے بعد بجلی محکمہ پولیس فورس کے ساتھ ایس پی ایم پی کے گھر گیا اور ان کے دونوں پرانے میٹر ہٹا کر نئے اسمارٹ میٹر لگائے۔ دونوں پرانے میٹروں کو سیل کر کے ٹیسٹ کے لیے لیب بھجوا دیا گیا۔
اس معاملے میں سپرنٹنڈنگ انجینئر ونود کمار گپتا نے بتایا کہ ایس پی ایم پی کے پرانے میٹر کی ایم آر آئی رپورٹ کے مطابق میٹر کو بائی پاس کرکے بجلی چوری کی گئی، جس کی وجہ سے محکمہ بجلی کی ٹیم پولس فورس کے ساتھ دوبارہ ان کے گھر پہنچی۔ ایس پی ایم پی کے گھر جمعرات کو دونوں سمارٹ میٹروں کی ریڈنگ لینے کے بعد ان کے گھر میں نصب بجلی کے آلات کو چیک کیا۔
مزید پڑھیں:گینگسٹر کیس میں عباس انصاری کو ہائیکورٹ سے جھٹکا، عدالت نے درخواست ضمانت مسترد کر دی
پتہ چلا کہ ایس پی ایم پی کے گھر پر دو کلو واٹ کے دو بجلی کنکشن ہیں۔ لیکن ایس پی ایم پی کے گھر پر 16 کلو واٹ سے زیادہ بجلی کی کھپت ہورہی ہے، جس کی وجہ سے محکمہ بجلی نے ایس پی ایم پی کے خلاف بجلی چوری کے الزام میں مقدمہ درج کرایا ہے۔ تاہم اب ایس پی رکن اسمبلی کی مشکلات اور بھی بڑھ گئی ہیں۔ کیونکہ بجلی چوری کے الزام میں مقدمہ درج ہونے کے بعد اب ان پر ایک کروڑ 91 لاکھ روپے جرمانہ عائد کیا گیا ہے۔
