سنبھل: جامع مسجد کے صدر ایڈوکیٹ ظفر علی کو پولس نے پیر کی دوپہر حراست میں لے لیا۔ ظفر علی کے ساتھ مزید چھ افراد کو حراست میں لیا گیا۔ واضح رہے کہ ظفر علی نے پیر کی صبح پریس کانفرنس کرکے پولیس اور ڈی ایم پر سنگین الزام عائد کئے تھے۔
جامع مسجد کے صدر نے پولیس پر سنگین الزامات عائد کئے، ایڈوکیٹ ظفر علی سمیت 6 لوگوں کو حراست میں لیا گیا (Etv Bharat)
انہوں نے کہاکہ سروے کے دوران ٹنکی سے پانی چھوڑنے کی وجہ سے مقامی لوگوں میں یہ افواہ پھیل گئی کہ مسجد میں کھدائی کی جارہی ہے، جبکہ اس دوران مسجد کمیٹی کی جانب سے لاوڈاسپیکر کے ذریعہ لوگوں کو سمجھانے کی بھرپور کوشش کی گئی۔ انہوں نے پولیس عہدیدار پر بھیڑ کے ساتھ گالی گلوچ کرنے اور غیرضروری لاٹھی چارج کرنے کا بھی الزام عائد کیا۔ انہوں نے کہا کہ پولیس نے فائرنگ کی جبکہ ہجوم کی طرف سے کوئی فائرنگ نہیں کی گئی۔