حکومت کسانوں کے مسائل حل کرنے میں ناکام: راکیش ٹکیٹ

Rakesh Tikait Reaction بھارتیہ کسان یونین کے قومی ترجمان چودھری راکیش ٹكيت نے کہا کہ مرکزی حکومت کام نہیں کر رہی ہے اسی وجہ سے کسانوں کے ساتھ ہونے والی بات چیت ناکام ہو رہی ہے۔ حکومت کا رویہ ایسا ہی رہا تو مستقبل میں مذاکرات کامیاب نہیں ہوں گے۔

مظفرنگر:سمیوکت کسان مورچہ(ایس کے ایم) کی جانب سے ریاست بھر میں ضلع کلیکٹریٹ دفتروں کے باہر احتجاج اور ٹریکٹر ریلی کا اعلان کیا ہے۔کسان کی تنظیم کی جانب سے ٹریکٹر کی تیاری زور شور سے جاری ہے۔اس سلسلے کیں بھارتیہ کسان یونین کے قومی ترجمان چودھری راکیش ٹكيت نے ای ٹی وی بھارت اردو کے ساتھ خاص بات چیت میں کئی ایم معلومات دی ۔

ضلع مظفر نگر میں واقع اپنی رہائش گاہ پر معلومات فراہم کرتے ہوئے بھارتیہ کسان یونین کے قومی ترجمان چودھری راکیش ٹکیت نے کہا کہ آج صبح میں 11 بجے سے 3 بجے تک ریاست کے تمام ضلع مجسٹریٹ دفاتر پر کسان ٹریکٹر ٹرالی کے ساتھ احتجاج کریں گے۔ دوپہر 3 بجے تک یہ احتجاجی مظاہرہ جاری رہے گا۔

انہوں نے کہا کہ احتجاج کے دوران بھارتیہ کسان یونین کے عہدیدار اپنے پانچ نکاتی مطالبات کے حوالے سے ضلع مجسٹریٹ کے ذریعہ ریاست کے وزیر اعلیٰ اور ہندوستان کے صدر جمہوریہ ہند کے نام میمورنڈم پیش کریں گے۔

ان کا کہنا ہے کہ کل 22 فروری کو کسان متحدہ محاذ اور پنجاب کی کسان تنظیموں کے ساتھ چندی گڑھ میں ایک بڑی میٹنگ ہوگی ۔اس میں ملک بھر سے کئی تنظیموں کے لوگ وہاں پہنچیں گے۔ ایک بڑی تحریک کی حکمت عملی بنائیں گے۔