بھارت کی آزادی کے لیے ہر مذہب کے عوام نے قربانی دی

Sacrificed for the Freedom of India۔ رکن اسمبلی کنیز فاطمہ نے کہا ہے کہ ملک کی آزادی کے لیے ہر مذہب کے عوام نے اپنی جان ومال کی قربانیاں دی ہیں۔ گلبرگہ میں یوم جمہوریہ کے موقع پر گلبرگہ کی مختلف سیاسی، سماجی، تعلیمی، ملی اور مذہبی اداروں میں پرچم کشائی کی گئی۔

گلبرگہ:ریاست کرناٹک گلبرگہ شہر میں 75ویں یوم جمہوریہ کے موقع پر محکمہ گلبرگہ ضلع افسران اور سیاسی سماجی ملی مذہبی اداروں میں برے جوش وخروش کے ساتھ یوم جمہوریہ منایا گیا۔ اس موقع پولیس میدان میں ضلع نگران کار وزیر پرینک کھر گے نے پرچم کشائی کی۔ ‌اس دوران‌ نے انھوں نے خطاب کرتے ہوئے کہا کہ 26 جنوری 1950 میں اس ملک کے دستور کی بنیاد عمل میں آئی ہے۔ ڈاکٹر بی آر امبیڈکر صاحب نے اس ملک کے دستور کو لکھا ہے۔ تاکہ اس ملک میں ہندو، مسلم، سیکھ، عیسائی اور دیگر مذہب کے عوام اپنے اپنے مذہبی عقائد کے تحت زندگی گزار سکیں۔ یہ ملک ایک جمہوری ملک ہے۔ یہاں پر ہر ایک مذہب کے عوام کو برابری کا حق ہے۔

رکن اسمبلی کنیز فاطمہ نے کہا ہے کہ اس ملک کی آزادی کے لیے ہر مذہب کے عوام نے اپنے جان ومال کی قربانی دی ہے۔ آج یہاں پر فرقہ پرست تنظیمیں اس ملک کی قومی یکجہتی، گنگا جمنی تہذیب کو خراب کرنے کی کوشش کر تے ہی جارہے ہیں۔ اس لیے تمام‌ مذہب کے عوام کو اتحاد کے ساتھ مل جل کر قومی یکجہتی گنگا جمنا تہذیب کو برقرار رکھنے کے لیے ایک ہوکر کام کرنے کی سخت ضرورت ہے۔ اس موقع پر سماجی، تعلیمی، زرعی خدمات انجام دینے والی شخصیات کو تہنیت پیش کی گئی۔