دیونار منڈی کو عید الاضحٰی کے پش نظر 5 جون سے کھولنے کا فیصلہ (etv bharat) ممبئی:ریاست مہاراشٹر کے ممبئی کے دیونار علاقے میں دیونار مذبح خانہ اور منڈی واقع ہے۔ دیونار منڈی میں عید الاضحٰی کے موقعے پر مویشیوں کا بڑا بازار لگتا ہے۔ اس بازار کی ساری تیاریاں مکمل ہو چکی ہیں۔ پانچ جون سے بازار کو مویشیوں کے لئے کھول دیا جائے گا۔
دیونار مذبح خانہ اور اس منڈی کے انچارج ڈاکٹر کلیم پاشا پٹھان نے ای ٹی وی بھارت سے بات چیت کرتے ہوئے کہاکہ ہر برس بقرعید کے موقعے پر اس منڈی کا انتظام و انصرام یہاں کے ذمہ داران اور اس منڈی سے وابستہ محکمے کے لیے بڑا چلینج ہوتا ہے۔ یہی سبب ہے کہ اس کی تیاری گزشتہ 6 سے 8 ماہ قبل ہی کرنی ہوتی ہے ۔
انہوں نے کہا کہ مہاراشٹر، گجرات، مدھیہ پردیش اتر پردیش جیسی ریاستوں سے تاجر ہزاروں کی تعداد میں قربانی کے جانوروں کے ساتھ یہاں بڑے پیمانے پر آتے ہیں۔اس لئے منڈی کے علاوہ دوسرے محکمہ کے ذمہ داران بھی مستعد رہتے ہیں۔
پٹھان نے عوام سے اس بات کی اپیل کی ہی کہ منڈی کے رجسڑڈ جانوروں بکروں کے علاوہ دوسری جگہوں سے آپ مویشی بکرے بلکل بھی نہ خریدیں کیونکہ اکثر کے یہ چوری کے بھی ہوتے ہیں اور اس طرح سے آپکو قربانی جائز اہم فریضے کو ادا کرنے میں قانونی کارروائیوں کی دشواریوں کا بھی سامنا کرنا پڑتا ہے۔
یہ بھی پڑھیں:سب سے وزنی بکرے کا خطاب 'رستم' کے نام، وزن جان کر رہ جائیں گے حیران
ان کا مزید کہنا تھا کہ بہتر یہی ہوگا کی قربانی کے جانوروں کے کیو آر کوڈ سے لیے جانور ہی خریدیں۔ حکومتی قوانین پر پوری طرح سے عمل کریں ۔کسی بھی تاجر ،کاروباری سے اگر منڈی میں جانور خریدتے ہیں تو اُن کے آئی کارڈ ضروری دیکھیں۔اس کے علاوہ اگر کسی بھی طرح کی دشواری پیش آئے تو یہاں موجود منڈی کے والنٹیئر کو اس کی اطلاع دے سکتے ہیں۔
