بیدر: ریاست کرناٹک میں ایم ایل سی انتخابات 2024 کی تیاریاں زور شور سے جاری ہیں۔ سیاسی جماعتوں کے ساتھ ساتھ آزاد امیدوار بھی تشہیری مہم مصروف ہیں۔ امیدواروں کی جانب سے ووٹرز کی توجہ اپنی طرف راغب کرنے کے لیے ایڑی چوٹی کا زور لگا چکے ہیں۔ شمال مشرقی گریجویٹ حلقہ سے آزاد امیدوار محمد جاوید حسین نے کہا کہ کلیان علاقے میں طلباو طالبات کو بڑی دشواریوں کا سامنا کرنا پڑ رہا ہے۔انتخابات میں جیت ملنے کے بعد ان کے مسائل کے حل کرنے کے لیے ان کی حمایت کی جائے ۔انہوں نے بھاری اکثریت سے کامیاب کی اپیل کی۔
محمد جاويد حسين نے بیدر کے ووٹرز سے اپیل کرتے ہوئے کہا کہ بے روزگاری میں اضافہ ہوا ہے۔نوجوانوں کی بے روزگاری دور کرنے کے لئے نوجوانوں سے انہیں حمایت کرنے کی اپیل کی ہے۔نوجوانوں کی حمایت سے ہی کامیابی مل سکتی ہے۔ انہوں نے کہا کہ نوجوانوں کا سب سے بڑا مسئلہ روزگار ہے۔ نوجوان اس ملک کی ریڑ کی ہڈی ہے لیکن افسوس کی بات یہ ہے کہ وہ بے روزگار ہیں۔ سرکاری محکمہ جات میں نوجوانوں کو مستقل روزگار کے لیے جدوجہد کرنے کی یقین دہانی کرائی۔