مراٹھا ریزرویشن تحریک چلانے والے جرانگے پاٹل کا مدرسے میں قیام

Manoj Jarange Stay In Arbi Madarsa منوج جرانگے پاٹل نے گذشتہ شب احمد نگر کے ایک مدرسے میں قیام کیا، اس دوران منوج جرانگے پاٹل نے مدرسے کی مسجد کا بھی معائنہ کیا، مدرسے کے ذمہ داران کی جانب سے جرانگے پاٹل کو قرآن شریف اور ایک ٹوپی دے کر استقبال کیا گیا۔

اورنگ آباد:مراٹھا ریزرویشن کے مطالبے کو لے کر پچھلے کئی مہینوں سے منوج جرانگے پاٹل بھوک ہڑتال اور احتجاج کر رہے ہیں۔ لیکن حکومت انہیں نظر انداز کر رہی ہے اس طرح کا الزام عائد کرتے ہوئے منوج جرانگے پاٹل اب مراٹھا سماج کو لیکر پیدل ممبئی جا رہے ہیں، ممبئی میں منوج جرانگے پاٹل آزاد میدان میں بھوک ہڑتال کریں گے۔

فلحال منوج جرانگے پاٹل ممبئی کے لیے پیدل جا رہے ہیں، راستے میں منوج جرانگے پاٹل کا جنگی استقبال کیا جا رہا ہے، جس میں مسلم مذہب کے لوگ بھی منوج جرانگے پاٹل کا استقبال کر رہے ہیں، ممبئی پیدل چل کر جانے والوں کو مسلم سماج کی جانب سے پھل اور پانی کی بوتل تقسیم کی جا رہی ہے۔

اسی ضمن میں احمد نگر کے پاس مدرسہ محمدیہ براہ بابلی مدرسہ ہے جہاں پر گزشتہ رات مراٹھا ریزرویشن کے لیے ممبئی پیدل جا رہے منوج جرانگے پاٹل نے مقام کیا، مدرسے کے ذمہ داران نے ای ٹی وی بھارت سے بات کرتے ہوئے کہا کہ منوج جرانگے پاٹل کہ اجلاس کے لیے 55 ایکڑ مدرسے کی زمین مراٹھا سماج کو دی گئی،

اس زمین کی صاف صفائی مدرسے کے بچّے اور مراٹھا سماج کے کارکنان نے کیا، ان لوگوں کا مقصد تھا کہ ہمارے ملک میں گنگا جمنی تہذیب پھر سے عام ہو، مراٹھا سماج کے اجلاس کے لیے مدرسے کی جانب سے 50 ہزار کھانے کے پیکٹ، اور 50 ہزار پانی کی بوٹلے تقسیم کی گئی ہے۔ اور عربی مدرسے کے گیسٹ ہاؤس میں جرانگے پاٹل نے مقام کیا۔

اس دوران جرانگے پاٹل نے مدرسے کی مسجد بھی دیکھی اور انہیں مدرسے کے ذمہ داروں کی جانب سے ہندی زبان میں قرآن شریف بھی دیا گیا، بعد میں منوج جرانگے نے میڈیا سے بات کرتے ہوئے کہا کہ اگر مراٹھاؤں کو ریزرویشن مل جاتا ہے، تو وہ مسلم ریزرویشن کے لیے بھی احتجاج کریں گے، کیونکہ مراٹھا ریزرویشن کی لڑائی میں مسلمانوں کا بھی اہم کردار رہا ہے۔