میرٹھ میں یوم انقلاب تقریب کا اہتمام (etv bharat) میرٹھ: ریاست اتر پردیش کے ضلع میرٹھ میں پہلی جنگ آزادی کے سلسلے میں یوم انقلاب کے عنوان سے تقریبات کا اہتمام کیا گیا۔ میرٹھ کے مختلف علاقوں میں تقریبات کا اہتمام کیا گیا جہاں مجاہدین آزادی کی قربانیوں کو یاد کرتے ہوئے انہیں خراج عقیدت پیش کیا گیا۔
برطانوی حکومت میں افواج کا حصہ رہے قریب سو سے زائد مجاہدین نے 10 مئی 1857 کے دن انگریزوں کے خلاف بغاوت کرنے کا اعلان کردیا۔ انگریزوں کے خلاف بغاوت کرنے والے ہندوستانی نوجوانوں نے چربی لگے کارتوس استعمال نہ کرنے کا فیصلہ کیا۔ہندوستانی نوجوانوں کے اس فیصلے سے ناراض انگریزی حکمران نے انہیں گرفتارکر لیا۔
انگریزوں کی اس کارروائی کے بعد تمام مذاہب کے لوگوں نے برطانیہ کی ایسٹ انڈیا کمپنی کے خلاف بغاوت کا اعلان کر دیا۔ ملک کی پہلی جنگ آزادی کے گواہ ان مجاہدین کی قربانیوں کو یاد کرتے ہوئے میرٹھ کے شہید اسمارک پر ان شہیدوں کو خراج عیقدت پیش کیا گیا۔اس موقع پر پربھات فیری نکالی گئی۔
یہ بھی پڑھیں:پروفیسر محمد ریحان، این آئی ایس ای کے ڈائریکٹر جنرل مقرر
اس موقعے پر تمام مذاہب کے لوگوں نے یوم انقلاب تقریب میں حصہ لیتے ہوئے کہا کہ جس طرح سے مجاہد آزادی نے بغیر کسی تفریق کے آزادی کی لڑائی میں حصہ لیا ٹھیک اسی طرح ہمیں ملک کی ترقی کے لئے ایک ساتھ مل کر کام کرنے کی ضرورت ہے۔ملک میں بھائی چارہ اور قومی یکجہتی کو مضبوط بنانے کے لئے ہم سبھوں کو متحد ہونا چاہیے۔
