اسکولوں میں بم رکھے جانے سے متعلق ای میلز جعلی ہیں: کولکاتا پولیس - KOLKATA POLICE

Hoax Bomb Threat Mail کولکاتا کی پولیس نے منگل کو شہر کے اسکولوں کے منتظمین کو یقین دلایا کہ وہ کچھ تعلیمی اداروں میں بم نصب کرنے سے متعلق موصول ہونے والی ای میلز سے گھبرائیں نہیں اور یہ ای میل 'جعلی' ہیں۔

کولکاتا:پولیس نے کہاکہ یہ ہمارے نوٹس میں آیا ہے کہ شہر کے کچھ اسکولوں کو بم کی موجودگی سے متعلق دھمکی آمیز ای میلز موصول ہوئی ہیں۔ ہم آپ کو یقین دلانا چاہتے ہیں کہ یہ ای میلز جعلی ہیں اور کسی بھی اسکول کو کوئی قابل اعتبار خطرہ نہیں ہے۔ پولیس نے اسکول کے منتظمین اور والدین سے بھی نہ گھبرانے کی اپیل کی ہے۔ کولکاتا پولیس نے ایک بیان میں کہاکہ ہم آپ کو یقین دلانا چاہتے ہیں کہ یہ میل ایک دھوکہ ہے اور کسی بھی اسکول کو کوئی قابل اعتبار خطرہ نہیں ہے۔ ساتھ ہی اسکولوں اور والدین سے بھی نہ گھبرانے کی اپیل کی ہے۔

کچھ اسکولوں کو اسکول کے احاطے میں بم کی موجودگی سے متعلق اس طرح کی میل موصول ہونے کے بعد شہر کی پولیس نے واضح کیاکہ "ماضی میں بنگلورو اور چنئی جیسے شہروں کے اسکولوں کو بھی اسی طرح کے میل بھیجے گئے تھے۔پولیس کا کہنا ہے کہ ایسی شرارتی میل بھیجنے والے شخص کے خلاف مقدمہ درج کر کے تفتیش شروع کر دی گئی ہے۔

کولکتہ پولیس نے کہاکہ ہم سمجھتے ہیں کہ اس طرح کے پیغامات موصول ہونا پریشان کن ہوسکتا ہے، لیکن براہ کرم پرسکون رہیں اور طلباء کی حفاظت کے بارے میں پریقین رہیں۔ "اس دوران ہم سب پر زور دیتے ہیں کہ وہ افواہیں پھیلانے یا خوف و ہراس پھیلانے سے گریز کریں۔" بیان میں کہا گیا ہے کہ ’’ہم کسی بھی مدد کے لیے اسکولوں سے بھی رابطے میں ہیں۔

یواین آئی