خودکشی کے 4 سال بعد نوجوان کو نوکری کا لیٹر ملا، خود کشی کی وجہ کیا تھی؟ - Job Letter received after suicide

تلنگانہ میں ایک نوجوان نے مالی تنگی کی وجہ سے 4 سال قبل خودکشی کرلی۔ نوجوان نے آئی ٹی آئی کے بعد نوکری حاصل کرنے کی بہت کوشش کی۔ نوکری نہ ملنے پر اس نے مجبوری کے عالم میں خودکشی کرلی۔ مگر خودکشی کرنے کے چار سال بعد اس کی نوکری کا خط آیا۔

مندامری: آئی ٹی آئی مکمل کرنے کے بعد نوکری نہ ملنے سے تنگ آکر ایک نوجوان نے خودکشی کرلی۔ اس کی موت کے چار سال بعد نوکری کا خط اس کے گھر بھیجا گیا۔ گھر والوں نے وہ خط واپس بھیج دیا۔ نوکریوں کی کمی اور بھرتی کے عمل میں ناقص نظام کی یہ ایک جیتی اور جاگتی مثال ہے۔

خط کا یہ واقعہ منچریالہ ضلع کے مندامری میں جمعہ کو پیش آیا۔ ایک نوجوان کی موت کے چار سال بعد اسے ملازمت کے آخری امتحان میں شرکت کے لیے کال لیٹر موصول ہوا۔ معلومات کے مطابق، 2018 میں، این پی ڈی سی ایل میں جونیئر لائن مین کے عہدوں کو پُر کرنے کے لیے جگہیں نکالی گئیں تھیں اور اس کے لئے امیدواروں نے تحریری امتحان میں شرکت بھی کی تھی مگر اس کا نتیجہ نہیں بتایا گیا تھا۔

اس عمل میں مندماری کے رہنے والے جیون کمار نے بھی حصہ لیا۔ مگر اس کے بعد بھرتی کا عمل رک گیا اور وہ جاب لیٹر کی آس لگائے بیٹھا رہا۔ مگر کال لیٹر نہیں آیا۔ جب اس نے نا امیدی کی حالت میں خودکشی کرلی تب جاکر اس کے گھر والوں کو لیٹر موصول ہوا۔

اسی سلسلے میں مندامری کے جیون کمار کے گھر والوں کو کال لیٹر موصول ہوا، لیکن جیون کمار اپنا جیون ختم کر چکا تھا۔ سوال یہ اٹھتا ہے کہ چار سال قبل جب امتحان ہوا تھا تو خط اب کیوں موصول ہو رہا ہے۔ فی الحال ڈاکیے نے خط واپس بھیج دیا ہے۔

جانکاری کے مطابق منڈمری فرسٹ زون علاقہ میں رہنے والے مونڈیا سروج کے بیٹے جیون کمار (24) نے 2014 میں آئی ٹی آئی مکمل کی تھی۔ بڑی بہن نے 2018 میں آئی ٹی آئی کیا تھا۔ اس کی ماں سروج کا جنوری 2019 میں بیماری کی وجہ سے انتقال ہو گیا تھا۔ اس کی دو بہنیں ہیں جو ذہنی طور پر معذور ہیں۔ جیون کمار نے 15 مارچ 2020 کو نوکری نہ ملنے پر خودکشی کرلی۔ بعد میں بڑی بہن انوشا اور والد مونڈیا کا بھی انتقال ہو گیا۔ اب صرف بڑا بھائی نوین رہ گیا ہے۔