مرادآباد میں شدید گرمی سے لوگوں کا برا حال - heat waves in Moradabad

مرادآباد میں گرمی کا قہر جاری ہے، مئی کے مہینے میں ہی گرمی نے لوگوں کو کا حال بے حال کر دیا ہے۔ شدید گرمی کے مدنظر یہاں کے باشندے اب ضروری کام سے ہی باہر نکل رہے ہیں۔

مرادآباد: ریاست اتر پردیش میں گرمی کا قہر جاری ہے۔ مرادآباد سمیت مختلف اضلاع میں گرمی میں تشویشناک اضافہ ہوا ہے۔ مرادآباد میں درجہ حرارت 45 ڈگری پہنچ چکا ہے۔ لوگوں میں پریشانیوں میں مزید اضافہ ہوا ہے۔

لوگ اب صرف ضروری کام کی وجہ سے ہی باہر نکل رہے ہیں۔ مگر کچھ ایسے بھی ہیں جنہیں دو وقت کی روٹی کمانے کے لیے روزانہ محنت مزدوری کرنے کے لیے گھر سے باہر نکلنا پڑتا ہے۔ماہرین موسم کے مطابق درجہ حرارت ابھی اور بڑھ سکتا ہے اور آنے والے ایام میں شہریوں کو اور مشکلات کا سامنا کرنا پڑ سکتا ہے۔

لوگوں کو راحت پہنچانے کی غرض سے شہر میں جگہ جگہ پانی اور شربت کی سبیل لگائی جا رہی ہے تاکہ لوگوں کو کچھ حد تک راحت پہنچ سکے۔رکشہ والوں کے مطابق گرمی کی وجہ سے لوگ گھروں سے باہر نہیں نکل رہے ہیں۔اس کی وجہ سے ان کی آمدنی کم ہوگئی ہے۔رکشے کا کرایہ نکالنا بھی مشکل ہو رہا ہے۔

ایک خاتون کے مطابق وہ اپنے بچوں کے لیے اسکول کی کتابیں خریدنے کے لیے نکلی ہیں۔وہ جلد سے جلد کام ختم کرکے گھر واپس لوٹنا چاہتی ہیں۔گرمی سے ان اور ان کے بچے کا برا حال ہے۔ درجہ حرارت 40 ڈگری سے بھی اوپر ہے جس کی وجہ سے بہت پریشانیاں ہو رہی ہیں۔

مرادآباد کے شہری محمد شکیل بتاتے ہیں کہ چونکہ مرادآباد ایک صنعت شہر ہے اور لوگ مزدوری کرنے کے لیے فیکٹری میں جاتے ہیں جو شہر سے دور ہیں مگر گرمی کے اس موسم میں ان کو کافی پریشانیاں اٹھانی پڑ رہی ہیں مگر وہ اس کو قدرت کا فیصلہ بتاتے ہیں انہیں امید ہے کہ بارش ہونے پر گرمی میں کمی آئے گی۔