Published : Feb 23, 2024, 8:09 PM IST
یادگیر: ہندوستان کی قدیم سیاسی جماعت انڈین یونین مسلم لیگ نے ملک بھر میں ممبر سازی مہم شروع کی ۔اس مہم کے تحت پارٹی کو ایک بار پھر سرگرم سیاست سے جوڑنے کی کوشش کی جا رہی ہے۔
انڈین یونین مسلم لیگ کے ریاستی جنرل سیکرٹری مولانا محمد نوح نے میڈیا سے بات کرتے ہوئے بتایا کہ شوراپور تعلقہ ضلع یادگیر کے سماجی کارکن ارشد دکنی کو یادگیر ضلع کا کنوینر نامزد کیا گیا ہے۔ جلد از جلد انہیں یادگیر ضلع اور اس کے تعلقہ جات ممبر سازی کرنے کی ہدایت دی ہے ۔
اس موقع پر کنوینر ضلع یادگیر انڈین یونین مسلم لیگ ارشد دکنی نے انڈین یونین مسلم لیگ کرناٹک کے جنرل سیکرٹری مولانا محمد نوح کے ہاتھوں ذمہ داری ملنے پر خوشی کا اظہار کیا ہے۔انہوں نے کہاکہ یہ ایک بڑی ذمہ داری ہے۔اس ذمہ داری کو ایمانداری کے ساتھ نبھانے کی کوشش کریں گے۔
یہ بھی پڑھیں:علیگڑھ اردو زبان و ادب کی ایک حسین محفل کا انعقاد
انہوں نے کہا کہ انڈین یونین مسلم لیگ قدیم سیاسی جماعتوں میں سے ایک ہے۔اس پارٹی کو لے کر عوام میں دلچسپی پیدا کرنے کی کوشش کی جا رہی اس پارٹی نے ہندوستان میں امن بھائی چارہ اور شفافیت کی سیاست کرتے ہوئے اپنی ایک منفرد شناخت بنائی ہے۔