حیدرآباد:حیدرآباد کے موسمیاتی مرکز نے اعلان کیا ہے کہ ہفتہ کے روز ریاست کے کئی اضلاع میں گرج چمک کے ساتھ ہلکی سے درمیانی درجہ کی بارش ہونے کا امکان ہے۔ محکمۂ موسمیات کے مطابق تیز ہوائیں 30 سے 40 کلومیٹر فی گھنٹہ کی رفتار سے چلیں گی۔ کچھ اضلاع کے لیے یلو وارننگ بھی جاری کی گئی ہے۔ اسی طرح جنوب مغربی مانسون کی آمد کے ساتھ ہی 2 جون کو کئی اضلاع میں شدید بارشوں کا امکان ہے۔ حالیہ دنوں میں شہر میں چلچلاتی دھوپ اور دن کے وقت درجۂ حرارت میں اضافہ کے باعث لوگ گھروں سے باہر نکلنے سے خوفزدہ ہیں۔ ایسے وقت میں آئی ایم ڈی نے ریاست کے لوگوں کو خوشخبری سنائی ہے۔
یہ بھی پڑھیں:
دو دن قبل ہی کیرالہ میں مانسون کی آمد، کئی شہروں میں جھما جھم بارش - MONSOON 2024
حیدرآباد کے موسمیاتی مرکز نے اعلان کیا ہے کہ ہفتہ کے روز ریاست کے کچھ اضلاع میں 30 تا 40 کلومیٹر فی گھنٹہ کی رفتار سے تیز ہواؤں کے ساتھ ہلکی سے درمیانی بارش ہونے کا امکان ہے۔ نلگنڈہ، ورنگل، ہنمکنڈا، جنگاؤں، سدی پیٹ، یادادری بھونگیری، رنگاریڈی، حیدرآباد، میڈچل، ملکاج گیری، وقارآباد، محبوب نگر، ناگر کرنول، ونپرتھی، نارائنا پیٹ اور جوگو لامبا گدوال اضلاع کے لیے یلو وارننگ جاری کی گئی ہے۔
دو جون کو راجنا سریسیلا، کریم نگر، پیدا پلی، رنگاریڈی، وقارآباد، سنگاریڈی، میدک، کاماریڈی، محبوب نگر، ناگر کرنول، ونپرتھی، نارائناپیٹ، جوگولمبا گڈ والا اضلاع میں موسلادھار بارش کا امکان ہے۔ دوسری جانب ریاست بھر میں شدت کی گرمی دیکھی جارہی ہے۔ ریاست کے تمام اضلاع میں درجۂ حرارت 42 ڈگری سے زیادہ ریکارڈ کیا گیا ہے تاہم بنیادی طور پر 16 اضلاع میں درجۂ حرارت 45 سے اوپر ریکارڈ کیا گیا۔
