بابر روڈ کے سائن بورڈ پر ہندو سینا نے ایودھیا مارگ کا پوسٹر چسپاں کیا

Hindu Sena Poster Ayodhya Marg قومی دارالحکومت دہلی کے بابر روڈ کے سائن بورڈ پر ہندو سینا کے کارکنوں نے ایودھیا مارگ کے پوسٹر چسپاں کر دیے. حالانکہ بعد میں پولیس اور انتظامیہ نے کارروائی کرتے ہوئے اس پوسٹر کو سائن بورڈ کے اوپر سے ہٹا دیا گیا.

نئی دہلی:اتر پردیش کے ایودھیا میں 22 جنوری کو رام مندر پران پرتسھٹا کی تیاریاں زور شور سے جاری ہے۔ملک کی تمام ریاستوں میں اس کو لے کر زبردست جوش و خروش پایا جا ریا ہے۔ اسی درمیان ہندو سینا کے صدر وشنو گپتا نے ایک بیان جاری کرتے ہوئے کہا، ''ایودھیا میں بھگوان شری رام کا مندر تعمیر ہو چکا ہے مندر کی پران پرٹشتھا آیندہ 22 جنوری کو ہونے جا رہی ہے. ایسے میں اب دہلی میں بابر روڈ کیوں باقی ہے؟ ہمارے کارکنوں نے اس سڑک کا نام بدل کر ایودھیا مارگ کر دیا ہے۔

قابل ذکر ہے کہ اس سے پہلے بھی ہندو سینا ان راستوں کے سائن بورڈز پر پوسٹر چسپاں کر چکی ہے جن کے نام مغل حکمرانوں کے نام سے منسوب کیے گئے تھے اور کچھ نام اب تبدیل بھی کیے جا چکے ہیں۔

ہندو سینا کی جانب سے ایودھیا مارگ کے پوسٹر سائن بورڈز پر چسپاں کرنے کی ویڈیو ایک ویڈیو بھی سوشل میڈیا پر جاری کی ہے۔تاہم اس ویڈیو کے سامنے آنے کے کچھ دیر بعد ہی پولیس نے سائن بورڈ پر چسپاں ان پوسٹروں کو ہٹا دیا۔این ڈی ایم سی کے ایک اہلکار نے کہا ہے کہ ان کی جانب سے اس سلسلے میں پولیس کو شکایت کی جا چکی ہے۔