لڑاکا طیارہ کالائی کنڈا ایئربیس پر فضائیہ ٹریننگ کے دوران کھڑگپور میں گر کر تباہ کولکاتا:لڑاکا طیارہ منگل کی سہ پہر تقریباً 3بجے مرکونیا گاؤں کے ایک دھان کے کھیت میں گرگیا۔ زوردار شور سے علاقے میں خوف و ہراس کا ماحول ہے۔ کالائی کنڈا ایئربیس سے فضائیہ کے افسران چند لمحوں میں ہیلی کاپٹر کے ذریعے موقع پر پہنچ گئے۔
ایک مقامی باشندہ شیتل سنگھ نے کہاکہ میں دوپہر ساڑھے تین بجے کے قریب ایک زوردار آواز سن کر مقامی لوگ دہل گئے۔جب قریب پہنچ کر دیکھا گیا تو لڑاکا طیارہ گر کر تباہ ہو گیا ہے۔ دو پائلٹ پیراشوٹ سے نیچے اترے، میں یہ نہیں کہہ سکتا کہ انہیں چوٹ لگی ہے یا نہیں۔
پیر کو سنکرائیل بلاک کے کیشی پاٹا علاقے کے پیچابیڈا اور کیمٹی دنگا گاؤں کی پچ سڑک کے ساتھ قریب دوپہر 3.30بجے دھان کے کھیت میں ایک بم گرگیا۔زوردار شور سن کر گاؤں والے جمع ہو گئے۔
یہ بھی پڑھیں:ہلدوانی تشدد کے بعد یکطرفہ ریاستی کاروائی کی مذمت کرتے ہیں: مانو طلباء یونین
پولیس نے پورے علاقے کو گھیرے میں لے لیااور مقامی لوگوں کو قریب آنے سے روک دیا گیا۔ فضائیہ کے مطابق پیر کو ان کی مشق جاری تھی۔ فائرنگ کی حد کافی بڑی ہے۔ جس جگہ بم گرا وہ فائرنگ رینج کے اندر ہے۔ کوئی زخمی نہیں ہوا ہے۔ تاہم کئی گاؤں والوں کا دھان جل گیا۔ اس واقعہ کے اگلے ہی دن ایک جنگی طیارہ کھڑگپور کے دھان کے کھیتوں میں گر کر تباہ ہو گیا۔یواین آئی
