مماتابنرجی کے بیان سے اتحاد پرکوئی اثر نہیں پڑے گا:بکاش رنجن

MP Bikash Ranjan Bhattacharya Reaction سی پی آئی ایم کے رکن پارلیمان(راجیہ سبھا) بکاش رنجن بھٹاچاریہ نے کہاکہ ممتابنرجی کبھی بھی انڈیا اتحاد کو مضبوط ہوتے ہوئے دیکھ نہیں سکتی ہیں کیونکہ ان کا بی جے پی کے ساتھ گہرا رشتہ ہے،اسی بنیاد پر وہ کبھی کانگریس پر تنقید کر رہیں ہیں تو کبھی لفٹ فرنٹ کو ہدف بنا رہیں ہیں۔

کولکاتا:مغربی بنگال کی حکمراں جماعت ترنمول کانگریس سربراہ اور وزیراعلیٰ ممتابنرجی کے انڈیا اتحاد میں شامل جماعتوں کے ساتھ سیٹوں کی تقسیم کو لے کر دئیے گئے بیان کے بعد سیاسی حلقوں میں طوفان برپا ہے۔کانگریس کے بعد اب سی پی آئی ایم کی جانب سے ردعمل سامنے آیا ہے۔

راجیہ سبھا میں سی پی آئی ایم کے رکن پارلیمان بکاش رنجن بھٹاچاریہ نے نیوز ایجنسی اے این آئی سے گفتگو کرتے ہوئے کہاکہ دراصل ممتابنرجی کبھی بھی بی جے پی کے خلاف نہیں جا سکتی ہیں۔بی جے پی اور آر ایس ایس کے سے ان کا اچھے تعلقات ہیں۔

انہوں نے کہاکہ انڈیا اتحاد کے قیام کے بعد میں وہ پہلا شخص ہوں جس نے کہاتھاکہ اتحاد کو کمزور کرنے والوں میں سب سے پہلا نام ممتابنرجی کا ہوگا۔ان کی بیان بازی سے اب ایسا ہی لگنے لگا ہے۔

ان کا کہنا ہے کہ ٹی ایم سی خود کو سکولر جماعت کہتی ہے لیکن ایسا نہیں ہے۔ٹی ایم سی بھی مذہب کے نام پر سیاست کرتی ہیں۔گزشتہ چند برسوں پر نظر ڈالئے گا تو آپ کو پتہ چل جائے گا کہ ٹی ایم سی کتنی سیکولر ہے۔

دوسری طرف دریں اثنا، کانگریس جنرل سکریٹری جے رام رمیش نے کہاکہ ہم نے ابھی سنا ہے کہ ممتا بنرجی ایک کار حادثے میں زخمی ہو گئی ہیں۔ ہم ان کی جلد صحت یابی کی دعا کرتے ہیں۔ انہوں نے کہا کہ بھارت جوڑو نیائے یاترا‘ جمعرات (25 جنوری) کی صبح مغربی بنگال میں داخل ہوگی۔