عید کی نماز کے دوران سخت سکیورٹی انتظامات کا مطالبہ - Ramadan 2024

Provide Security During Eid Namaz احمدآباد کے گومتی پور سے کاونسلر زلفی خان پٹھان نے عید کی نماز کے دوران سخت سکیورٹی انتظامات کا مطالبہ کیا ہے۔انہوں نے کہاکہ ماہ رمضان المبارک کے دوران گجرات میں مسلمانوں کو نشانہ بنانے کے کئی معاملے سامنے ہیں۔اسی بنیاد پر انتظامیہ سے سخت سکیورٹی انتظامات کی مانگ کی ہے۔

احمدآباد:کاونسلر زلفی خان پٹھان نے کہا کہ میں آپ سب کو عید کی پیشگی مبارکباد پیش کرتا ہوں۔ اب کچھ ہی دن میں ہم سب کی عید کا تہوار آنے والا ہے۔میں ہمارے مسلمان بھائیوں اس موقع پر ایک پیغام دینا چاہتا ہوں کہ ہم سب عید ک تہوار امن و امان سے منائیں۔لوگوں کے درمیان خوشیاں باٹنے کی کوشش کریں۔

انہوں نے کہاکہ عید کے موقع پر مساجد اور عیدگاہوں میں لوگوں کی زبردست بھیڑ امڈتی ہے۔مساجد میں جگہ کی قلت پر لوگ سڑکوں پر نماز ادا کرتے ہیں لیکن دہلی میں سڑک پر نماز ادا کرنے والوں کو پولیس نے جس طرح سے پٹا اس کی وجہ سے لوگوں میں تشویش کا ماحول ہے۔

ان کا کہنا ہے کہ میں پولس انتظامیہ سے بھی اپیل کرنا چاہتا ہوں کہ پختہ سکیورٹی انتظامات کرے اور جس طرح سے دہلی میں جو واقعہ ہوا تھا اس کو مد نظر رکھتے ہوئے ایسی کوئی بھی حرکت یہاں نہ ہو۔ اس سے ہمارے نمازی بھائیوں کو تو تکلیف ہو اور بھائی چارہے کو ٹھیس پہنچے ۔

کاونسلر نے مزید کہا کہ عید کو مد نظر رکھتے ہوئے تیاریاں زور شور سے جاری ہے۔ مساجد میں صاف صفائی کی جا رہی ہے۔ میدانوں میں بھی صاف صفائی اور پانی کا چھڑکاو کام کیا جا رہا ہے۔