سندیش کھالی میں جاری احتجاج پر کلکتہ ہائی کورٹ نے از خود نوٹس لیا

Section 144 in Sandeshkhali سندیش کھالی میں خواتین کے احتجاج اور ان کے الزامات پر از خود نوٹس لیتے ہوئے کلکتہ ہائی کورٹ کے جج جسٹس اپوربا سنگھ رائے نے کہا کہ وہ سندیش کھالی کے واقعات سے پریشان ہیں۔ وہاں کے مقامی افراد کے زمین پر قبضہ کیا جارہا ہے، دوسرے یہ کہ خواتین کے ساتھ بندوق کی نوک پر عصمت دری کی جارہی ہے۔

کولکاتا:کلکتہ ہائی کورٹ کے جج جسٹس سنہرائی نے کہا کہ یہ صحیح وقت ہے کہ عدالت سندیش کھالی کے واقعات پر مداخلت کرے۔ انہوں نے کہا کہ لوگ رات کو یہ سوچ کر سوتے ہیں کہ ان کے سر پر کوئی عدالت ہے۔ اس معاملے میں مداخلت کرنے کا یہ صحیح وقت ہے۔ عدالت نے سندیش کھالی واقعہ کے معاملے میں وکیل جیانت نارائن چٹرجی کو عدالت کا معاون مقرر کیا ہے۔ جسٹس سنگھ رائے نے حکومتی وکیل دیباشیس رائے کو بھی ہدایت دی ہے کہ وہ اگلی سماعت میں اس سلسلے میں رپورٹ پیش کریں۔ اس کیس کی اگلی سماعت 20 فروری کو ہوگی۔

5 جنوری کو سندیش کھالی میں ترنمول کانگریس کے لیڈر شاہجہاں شیخ کے گھر پر تلاشی لینے کے لیے پہنچے ای ڈی کے اہلکاروں پر حملہ کیا گیا۔ اس واقعہ میں اہم ملزم ترنمول کانگریس کے لیڈر شیخ شاہجہان اور ان کے پیروکار تھے۔ شاہجہاں ای ڈی اہلکاروں پر حملے کے بعد سے فرار ہیں۔ اس واقعے کے ایک ماہ بعد حال ہی میں سندیش کھالی میں حالات پھر سے کشیدہ ہو گئے ہیں۔ وقتاً فوقتاً فسادات اور آتش زنی ہوتی رہی ہے۔ پولیس کے کردار پر سوالیہ نشان لگایا جارہاہے۔

پولیس بدامنی کے سلسلے میں پہلے ہی تین افراد کو گرفتار کر چکی ہے۔ ان میں سے ایک ترنمول کانگریس کے اتم سردار ہیں۔ اتم کو حکمراں پارٹی نے سندیش کھالی میں ای ڈی پر حملے کرنے کے معاملے میں ملوث ہونے کے بعد معطل کر دیا۔ بعد میں انہیں گرفتار کر لیا گیا۔ اس کے علاوہ بی جے پی لیڈر بیکاس سنگھ اور سندیش کھالی سے سی پی ایم کے سابق ممبر اسمبلی سیکر سردار کو گرفتار کیا گیا ہے۔