شبھند ادھیکاری نے خاتون ڈاکٹر کے قتل کی سی بی آئی جانچ کا مطالبہ کیا - CBI enquiry IN doctor death case

مغربی بنگال کے کولکاتا کے آر جی کار میڈیکل کالج میں خاتون ڈاکٹر کے قتل پر لوگوں کا غصہ بڑھتا جا رہا ہے۔ اس دوران بی جے پی لیڈر شبھندو ادھیکاری نے اس معاملے کی سی بی آئی تحقیقات کا مطالبہ کیا۔

کولکاتا: بی جے پی لیڈر شبھندو ادھیکاری نے کولکاتا کے آر جی کار میڈیکل کالج اور ہسپتال میں ٹرینی ڈاکٹر کے قتل کی سی بی آئی تحقیقات کا مطالبہ کیا۔ انہوں نے طلبہ برادری پر زور دیا کہ وہ ریاستی حکومت کے ردعمل کے خلاف احتجاج کریں۔

شبھند ادھیکاری سوشل میڈیا پلیٹ فارم پر کہا کہ مبینہ طور پر اس پر زخموں کے نشانات تھے۔ یہ واضح طور پر قتل کا معاملہ معلوم ہوتا ہے، جس میں ممکنہ طور پر جنسی زیادتی بھی شامل ہے۔ اس کیس کو فوری طور پر سی بی آئی کے حوالے کیا جائے۔

ریاستی حکومت پر تنقید کرتے ہوئے انہوں نے کہاکہ اس معاملے کو سنجیدگی سے لینے کے بجائے ریاستی حکومت نے 11 رکنی انکوائری کمیٹی تشکیل دی ہے۔ حیرت کی بات یہ ہے کہ اس میں کچھ انٹرنز بھی شامل ہیں۔ ایسا لگتا ہے کہ حکومت یا تو اپنی غفلت چھپانے کی کوشش کر رہی ہے یا معاملے کو سنجیدگی سے نہیں لے رہی ہے۔

بی جے پی لیڈر نے کہاکہ میں طلبا برادری، خاص طور پر میڈیکل کے طلبا سے ریاستی حکومت کے خلاف سخت احتجاج کرنے کی اپیل کرتا ہوں۔ میں مقتول طالب علم کو انصاف کی فراہمی کو یقینی بنانے کے لیے تمام ضروری مدد فراہم کروں گا۔