دربھنگہ:ریاست بہار کے دربھنگہ پارلیمانی حلقہ سے دوسری بار بی جے پی کے گوپال جی ٹھاکر ممبر پارلیمنٹ بنے۔بی جے پی کے امیدوار گزشتہ انتخابات کے مقابلے اس مرتبہ بڑی کامیابی حاصل کی۔اس بار بی جے پی کے گوپال جی ٹھاکر نے راجد کے للیت کمار یادو کو 178156 ووٹوں سے شکست دے دیا۔
واضح رہے کہ دربھنگہ پارلیمانی حلقے میں کل 10 لاکھ 24 ہزار 986رائے دہندگانوں نے اپنے ووٹ کا استعمال کیا تھا،اس میں سے بی جے پی کے گوپال جی ٹھاکر کو کل 566630 ووٹ ملے جبکہ راجد کے للیت کمار یادو کو کل 388774 ووٹ ملے۔
دربھنگہ پارلیمانی حلقہ سے بی جے پی کے گوپال جی ٹھاکر کامیاب (etv bharat) وہیں 23904 ووٹ نوٹا میں ملے ہیں۔اپنی کامیابی پر بی جے پی کے گوپال جی ٹھاکر نے میڈیا سے کہا کہ وہ دربھنگہ کی عوام کا شکریہ ادا کرتے ہیں، جو بھی ترقی کا کام باقی ہے سب کو اولیت سے کرایا جائے گا وزیراعظم نریندر مودی کی قیادت میں۔
یہ بھی پڑھیں:این ڈی اے کو تسیری مرتبہ واضح اکثریت، اورنگ آباد سے امتیاز جلیل کافی زیادہ پیچھے
وہیں اپنی شکست کو تسلیم کرتے ہوئے راجد کے للیت کمار یادو نے کہا کہ دربھنگہ کی عوام کا شکریہ ادا کرتے جنہوں نے ہمیں اپنا ووٹ دیا ،ہم اپنی شکست کا محاسبہ کریں گے،شکست اور فتح انتخابات میں لگا رہتا ہے، میں ابھی بھی رکن اسمبلی ہوں لوگوں کے فلاح کے کام کرتا رہوں گا-
