اے ائی ایم ائی ایم کا ونچت بہوجن آگاڑی کے امیدوار پرکاش امبیڈکر کی حمایت کرنے کا اعلان - Lok Sabha Election 2024

Asaduddin Owaisi Reaction اورنگ آباد کے شاہ گنج علاقے میں عوامی جلسے کو خطاب کرتے ہوئے رکن پارلیمان اسد الدین اویسی نے اکولہ پارلیمانی حلقے سے ونچت بہوجن اگاڑی کے امیدوار پرکاش امبیڈکر کی حمایت کرنے کا اعلان کیا ہے۔اس موقع پر انہوں نے کہاکہ مختار انصاری کو زہر دے کرنے کا الزام لگایا

اورنگ آباد:آل انڈیا مجلس اتحاد المسلمین (اے آئی ایم آئی ایم) کے صدر اسد الدین اویسی نے ایک بار پھر مہاراشٹر کی سیاست کو گرما دیا ہے۔ انہوں نے کہا کہ آنے والے پارلمانی انتخابات میں وہ اکولہ سیٹ سے ونچیت بہوجن آگھاڑی کے صدر و ونچت کے پارلمانی امیدوار پرکاش امبیڈکر کی ایم آئی ایم کی جانب سے مکمل حمایت کریں گے۔

واضح رہے کہ امتیاز جلیل نے پہلے اپنی تقریر کے دوران اسد الدین اویسی سے اپیل کی تھی کہ وہ ونچت بہوجن آگاڑی کے صدر پرکاش امبیڈکر کی حمایت کرنے کی اپیل کی تھی ۔اسد الدین اویسی نے اکولہ پارلیمانی حلقے کے مجلس کے ذمہ داران کو پرکاش امبیڈکر کی پارلیمانی انتخابات میں مدد کرنے کی ہدایت دی۔

رکن پارلیمان اسدالدین اویسی نے ایک بار پھر کہا کہ ان کی اُن کی موت کے بعد ان کی قبر صرف اورنگ آباد میں ہی ہوگی۔اورنگ آباد کے عام لوگ ان کو کندھا دے کر قبرستان تک پہنچائیں گے۔اس سے بڑی بات اور کیا ہو سکتی ہے۔

آل انڈیا مجلس اتحاد المسلمین (اے آئی ایم آئی ایم) کے قومی صدر اسد الدین اویسی نے کہا کہ مختار انصاری کو زہر دے کر مار دیا گیا۔اس کی کیا تفتیش ہورہی ہے کسی کو کچھ معلوم نہیں۔اویسی نے کہا کہ ہمارے ملک کی سیاست کی ایک کڑوی حقیقت ہے، ہم اپنے لیڈروں کو آگے بڑھانے کی بات کرتے ہیں تو ہمیں مار دیا جاتا ہے ۔