وزیراعلی چندرابابو نائیڈو نے کہا، 'خواب پورا ہوگا'، 'گولڈن آندھرا-2047' ویژن دستاویز جاری کیا

چندرا بابو نائیڈو نے وجئے واڑہ میں منعقدہ میٹنگ میں گولڈن آندھرا 2047 ویژن دستاویز کی نقاب کشائی کی۔

وجئے واڑہ: آندھرا پردیش کے وزیر اعلی چندرابابو نائیڈو نے 'گولڈن آندھرا-2047' ویژن دستاویز جاری کیا۔ اس موقع پر انہوں نے امید ظاہر کی کہ گولڈن آندھرا-2047 سے ریاست کی حالت اور سمت بدل جائے گی اور آندھرا پردیش ملک کی نمبر ون ریاست بن کر ابھرے گی۔

سی ایم نائیڈو نے کہا کہ کچھ سال پہلے سب نے سائبر آباد کے علاقے میں چٹانیں اور ٹیلے دیکھے تھے، پھر انہوں نے سنگاپور، دبئی اور نیویارک جیسے بڑے شہر دیکھے۔ سی ایم نے کہا کہ، انہوں نے 26 جنوری 1999 کو ویژن کا آغاز کیا اور اس پر عمل درآمد کیا۔ جس کی وجہ سے حیدرآباد ملک کا بہترین شہر بن گیا۔ انہوں نے دعویٰ کیا کہ گولڈن آندھرا کا خواب پورا ہوگا۔ انہوں نے یہ بھی واضح طور پر کہا کہ ترقی تب ہی ممکن ہے جب مستحکم حکومت ہو۔ انہوں نے کہا کہ لوگ ہمارے لیے اہم ہیں۔

غور طلب ہے کہ چندرا بابو نائیڈو نے ڈپٹی سی ایم پون کلیان کے ساتھ وجئے واڑہ میں منعقدہ میٹنگ میں گولڈن آندھرا 2047 ویژن دستاویز کی نقاب کشائی کی۔ انہوں نے گولڈن آندھرا کے ہدف کو حاصل کرنے کے لیے دس اصولوں کا اعلان کیا۔ دستاویز کی تیاری کے حصے کے طور پر 17 لاکھ لوگوں نے آن لائن تجاویز اور سفارشات دی ہیں۔ سی ایم نے کہا کہ ریاستی حکومت نے 1.18 کروڑ خاندانوں سے رائے لی ہے۔

فی کس آمدنی 42 ہزار ڈالر ہے:

اس دوران سی ایم چندرا بابو نے مشورہ دیا کہ سب کو ویژن دستاویز کے بارے میں سوچنا چاہیے۔ انھوں نے کہا، 'ہمیں ایک منصوبہ بنانا چاہیے کہ میں، میرا خاندان، گاؤں، منڈل، ضلع 2047 تک کہاں ہو گا۔ فی کس آمدنی 42 ہزار ڈالر تک پہنچنے پر خاندان کیسا ہوگا اس کے لیے ایکشن پلان پر بھی غور کیا جائے۔

راجدھانی کے کسانوں کے خلاف پچھلی حکومت کی طرف سے درج مقدمات واپس لیں گے:

چندرا بابو نے کہا کہ جب کسانوں نے راجدھانی امراوتی کی تعمیر کے لیے 33 ہزار ایکڑ زمین دے کر تعاون کیا تو پچھلی حکومت نے سنگین مسائل پیدا کر دیے تھے۔ انہوں نے کہا کہ پچھلی حکومت کی طرف سے راجدھانی کے کسانوں کے خلاف درج کیے گئے مقدمات واپس لے لیے جائیں گے اور ان سے کیے گئے تمام وعدے پورے کیے جائیں گے۔