بنگلورو:162 رنز کے ہدف کا تعاقب کرنے اتری یوپی واریئرز کی الیسا ہیلی اور تالیا میک گرا کی اوپننگ جوڑی نے پہلے وکٹ کے لیے 94 رنز کی مضبوط شراکت داری کی۔ 10ویں اوور میں کیر نے بھاٹیہ کے ہاتھوں کرن نوگیرے کو اسٹمپ کرا کر یوپی واریئرز کو پہلا جھٹکا دیا۔ کرن نے 31 گیندوں میں چھ چوکوں اور چار چھکوں کی مدد سے 55 رنز بنائے۔ ورندا کے فیلڈنگ کے دوران زخمی ہونے پر ان کی جگہ کرن کو اوپننگ بلے باز کے طور پر بھیجا گیا اور انہوں نے ٹیم کے لیے 55 رنز کی اننگ کھیل کر بخوبی اپنا کام کیا۔
اس کے بعد بلے بازی کرنے آئیں تالیا میک گرا ایک رن کو وونگ نے ایل بی ڈبلیو کردیا۔ اسکور کو ایک رن کے اضافے کے بعد ایلیسا ہیلی کو وونگ نے اسحاق کے ہاتھوں کیچ آؤٹ کرادیا۔ الیسا نے 29 گیندوں اور پانچ چھکوں کی مدد سے 33 رنز بنائے۔ گریس ہیرس نے 17 گیندوں پر ناقابل شکست 38 رنز بنائے۔ دیپتی شرما نے 20 گیندوں میں ناقابل شکست 27 کی اننگ کھیلی۔ یوپی واریئرز نے 16.3 اوور میں 163 رنز بنا کر سات وکٹوں سے میچ جیت لیا۔ یہ یوپی کی سیزن کی پہلی جیت ہے۔
ممبئی انڈینز کی جانب سے اسی وونگ نے دو وکٹیں حاصل کیں۔ امیلیا کیر نے ایک بلے باز کو آؤٹ کیا۔اس سے قبل اوپنر ہیلی میتھیوز کی 55 رنز کی نصف سنچری اننگ کی مدد سے ممبئی انڈینس نے یوپی واریئرز کو جیت کے لیے 162 رنز کا ہدف دیا تھا۔