حیدرآباد: دنیا کے امیر ترین کھیل وہ ہیں جو اپنے کھلاڑیوں کو انتہائی دولت مند بناتے ہیں۔ کھیلوں سے کافی زیادہ رقم وصول کرکے ہی بہت سے پیشہ ور کھلاڑی دنیا کے چند امیر ترین افراد بھی بن گئے ہیں۔ جس میں فٹبال کے اسٹار کرسٹیانو رونالڈو ایک ہیں۔
امریکی جریدے فوربز نے 2024 میں دنیا کے دس سب سے زیادہ معاوضہ وصول کرنے والے ایتھلیٹس کی فہرست جاری کی ہے، جس کے مطابق کرسٹیانو رونالڈو مسلسل چوتھی بار اس فہرست میں پہلے نمبر پر براجمان ہیں۔ کرسٹیانو رونالڈو کی سالانہ کل تخمینی آمدنی تقریباً 260 ملین ڈالر تھی جو کسی بھی فٹبالر کی اب تک کی سب سے زیادہ کمائی جانے والی رقم ہے۔
یہ بات بھی قابل ذکر ہے کہ جب ان کھیلوں سے شہرت اور پیسہ زیادہ ملتا ہے تو پھر یہی چیز بہت سے نوجوانوں کو دنیا کے امیرترین کھیلوں کی طرف راغب کرتے ہیں۔ لیکن آپ یہ جان کر حیران ہو سکتے ہیں کہ امیر ترین کھیل کون سے ہیں کیونکہ وہ آمدنی آپ کی توقع کے مطابق نہیں ہو گی۔
ایک حالیہ تحقیق کے مطابق کھیلوں کا عالمی کاروبار پہلے ہی 1.3 ٹریلین امریکی ڈالر سے تجاوز کر چکا ہے، جس میں مجموعی طور پر 520 بلین امریکی ڈالر کا حصہ امریکہ کا ہے۔
دنیا کے امیر ترین کھیلوں کی فہرست
1- فٹ بال
دنیا کا سب سے مشہور کھیل اور جس کا سب سے زیادہ مارکیٹ شیئر ہے وہ فٹ بال ہے۔ 600 بلین ڈالر کے مارکیٹ ویلیو کے ساتھ یہ عالمی اسپورٹس مارکیٹ کا 43 فیصد کنٹرول کرتا ہے۔ اس شعبے میں ایک پیشہ ور کھلاڑی کی اوسط تنخواہ 4 ملین ڈالر ہے۔
امریکی فٹ بال (AFP PHOTO) 2- امریکی فٹ بال
یہ کھیل صرف امریکہ میں کھیلا جاتا ہے اس کے باوجود نیشنل فٹ بال لیگ (NFL) کی مارکیٹ تقریباً 200 بلین ڈالر ہے۔ یہ ملک کے سب سے مشہور کھیلوں میں سے ایک ہے اور اس سے خاصی رقم بھی کمائی جاتی ہے۔
این ایف ایل نے پچھلے سال 11,394 ملین ڈالر کی حیرت انگیز آمدنی حاصل کی، جو کسی بھی کھیل میں کسی بھی دوسری لیگ سے زیادہ ہے۔ فوربس کی رپورٹ کے مطابق امریکی فٹ بال میں دنیا کے چند امیر ترین کھلاڑی ہیں جن میں ٹام بریڈی کا دنیا میں نام سب سے زیادہ کمانے والے 10 کھلاڑیوں میں شامل ہیں۔
3- باسکٹ بال
میڈیا رپورٹس کے مطابق باسکٹ بال کی عالمی مارکیٹ ویلیو فی الحال 90 بلین ڈالر سے زیادہ ہے۔ اس کھیل کے پیشہ آور کھلاڑی 2023 تک اوسطاً 3.8 ملین ڈالر سالانہ تنخواہ وصول کرتے تھے۔
2021-2022 کے سیزن میں باسکٹ بال کی ٹیموں نے مجموعی طور پر تقریباً 10 بلین ڈالر کی آمدنی حاصل کی جو 2020-21 کے سیزن کے 6.41 بلین امریکی ڈالر کے اعداد و شمار کے مقابلے میں بہت زیادہ ہے۔
فوربس کی رپورٹ کے مطابق یہ کھیل دنیا کے چند امیر ترین ایتھلیٹس کو اپنی طرف راغب کرتا ہے، جس میں لاس اینجلس لیکرز کے لیبرون جیمز نے 2022 میں حیران کن 96.5 ملین امریکی ڈالر کمائے۔
4- آئس ہاکی
آئس ہاکی امریکہ اور کینیڈا کے مقبول ترین کھیلوں میں سے ایک ہے۔ رپورٹ کے مطابق اس کھیل نے 2021/22 کے سیزن کے دوران مجموعی طور پر 6.1 بلین امریکی ڈالر کی آمدنی حاصل کی۔ اس کھیل کی کل مارکیٹ ویلیو کا تخمینہ لگ بھگ 60 بلین امریکی ڈالر ہے۔ اس کھیل کے پیشہ ور کھلاڑی عموماً 2.2 ملین امریکی ڈالر سالانہ کماتے ہیں۔ امریکہ اور کینیڈا نمایاں طور پر اس مارکیٹ کی قیمت کو متاثر کرتے ہیں۔
5- بیس بال
یہ یقین کرنا مشکل ہے کہ بیس بال کھیل صرف امریکہ میں کھیلا جاتا ہے، اس کے باوجود یہ کافی زیادہ رقم وصول کرتا ہے۔ بیس بال دنیا کے امیر ترین کھیلوں میں سے ایک ہے۔ کوئی بھی تعلیم یافتہ نوجوان جو امریکہ میں پیشہ ورانہ کھیل کھیلنا چاہتا ہے اسے بیس بال پر غور کرنا چاہئے کیونکہ یہ اچھی خاصی رقم ادا کرتا ہے۔
فی الحال، ایک پیشہ ور بیس بال کھلاڑی اوسطاً 8.5 ملین ڈالر سالانہ کماتا ہے۔ ایک کاروبار کے طور پر بیس بال کی قیمت تقریباً 40 بلین ڈالر ہے۔ تاہم صرف چند قومیں اس کھیل میں حصہ لیتی ہیں۔
میجر لیگ بیس بال، بیس بال کے اس بڑے ٹورنامنٹ نے گزشتہ سال 8,957 ملین ڈالر کی آمدنی حاصل کی۔ مزید برآں، ہر ٹیم نے اس سیزن میں اوسطاً 298.6 ملین ڈالر کمائے ہیں۔ اندازوں کے مطابق، باسکٹ بال کی عالمی مارکیٹ اب 90 بلین ڈالر تک پہنچ گئی ہے، جس میں سب سے زیادہ حصہ امریکہ کا ہے۔
6- گولف
گولف جسے امیروں کا کھیل کہا جاتا ہے۔ حالیہ رپورٹس کے مطابق گولف انڈسٹری کی مارکیٹ ویلیو 7 بلین امریکی ڈالر سے تجاوز کر گئی ہے۔ حالیہ برسوں میں اس کھیل کی مقبولیت میں ڈرامائی طور پر اضافہ ہوا ہے۔ صرف امریکہ میں گولف نے 2018 میں 2.6 ملین نئے کھلاڑیوں کو اپنی طرف متوجہ کیا۔
2019 کے گولف ایڈوائزر کے مضمون کے مطابق گولف کے لیجنڈ ٹائیگر ووڈس نے 2022 میں کسی بھی دوسرے گولفنگ مشہور شخصیت کے مقابلے میں 72 ملین امریکی ڈالر کمائے۔
7- ٹینس
یہ کھیل تقریباً 6 بلین امریکی ڈالر کی کل مارکیٹ ویلیو کے ساتھ دنیا کے امیر ترین کھیلوں میں سے ایک کے طور پر ابھرا ہے۔ ٹینس کے اعلیٰ مقابلوں میں سے ایک، فرنچ اوپن یا رولینڈ گیروس، 2022 میں تقریباً 2.6 ملین ڈالر کی انعامی رقم وصول کیا تھا۔ 77.2 ملین ڈالر کی کل آمدنی کے ساتھ راجر فیڈرر 2023 میں سب سے زیادہ معاوضہ لینے والے 10 بہترین ایتھلیٹس میں شامل ہیں۔
8- موٹر اسپورٹ
موٹر اسپورٹ پہلے ہی عالمی مارکیٹ میں 5 بلین ڈالر کی حد کو عبور کر چکا ہے۔ جو اسے کرہ ارض کے امیر ترین کھیلوں میں سے ایک بناتا ہے۔ موٹر اسپورٹس کے سب سے بڑے مقابلوں میں سے ایک، فارمولا ون نے 2022 میں 1.83 بلین ڈالر کی آمدنی حاصل کی۔ گزشتہ سال دنیا کے 10 سب سے زیادہ معاوضہ لینے والے ایتھلیٹس میں سے ایک لیوس ہیملٹن نے کل 82 ملین امریکی ڈالر کمائے۔
9- کرکٹ
کرکٹ بھی چند ممالک میں کافی زیادہ مقبول ہے لیکن مجموعی مارکیٹ ویلیو کو دیکھتے ہوئے یہ کھیل بھی بلاشبہ دنیا کے امیر ترین کھیلوں میں شمار ہونے لگا ہے۔ ایک حالیہ اندازے کے مطابق سالانہ کرکٹ کی ارکیٹ ویلیو 6 بلین ڈالر ہے۔
2023 کے ایک میڈیا رپورٹ میں پیش گوئی کی گئی تھی کہ ایک پیشہ ور کرکٹر کی اوسط سالانہ تنخواہ تقریباً 60,000 ڈالر تک پہنچ جائے گی۔ انڈین پریمیئر لیگ جو کرکٹ کے سب سے بڑے ٹورنامنٹس لیگ میں سے ایک ہے، نے گزشتہ سال 633.62 ملین ڈالر کی آمدنی کی۔ اس کے علاوہ اس ٹورنامنٹ میں ہر فرنچائز کی اوسط آمدنی 79.2 ملین ڈالر تھی۔
