وراٹ کوہلی آئی پی ایل کی تاریخ میں 8000 ہزار رن بنانے والے پہلے بلے باز - Virat Kohli Complete 8000 IPL Runs

Virat Kohli Complete 8000 IPL Runs In IPL احمد آباد کے نریندر مودی اسٹیڈیم میں رائل چیلنجرز بنگلور اور راجستھان رائلز کے درمیان کھیلے گئے ایلیمینیٹر میچ میں اسٹار بلے باز وراٹ کوہلی نے آئی پی ایل میں ایک بڑا ریکارڈ اپنے نام کرلیا۔وراٹ کوہلی آئی پی کی تاریخ میں 8000 ہزار رن مکمل کرنے والے پہلے بلے باز بن گئے۔ (ians photos)

احمدآباد: رائل چیلنجرز بنگلور کے اسٹار بلے باز وراٹ کوہلی نے آئی پی ایل کی تاریخ میں ایک بڑا سنگ میل عبور کرلیا۔ ورٹت نے انڈین پریمیئر لیگ (آئی پی ایل) کی تاریخ میں 8000 رنز مکمل کر لیے ہیں۔

وہ آئی پی ایل کی تاریخ میں 8000 رنز بنانے والے پہلے بلے باز بن گئے ہیں۔ احمد آباد کے نریندر مودی اسٹیڈیم میں راجستھان رائلز کے خلاف کھیلے جارہے ایلیمینیٹر میں انہوں نے یہ کارنامہ انجام دیا۔

کوہلی نے اس میچ کا 29واں رن بناتے ہی یہ کارنامہ انجام دیا۔ انہوں نے چھٹے اوور کی پانچویں گیند پر دائیں ہاتھ کے تیز گیند باز سندیپ شرما کے ذریعہ ڈیپ مڈ وکٹ پر فلک کھیلا اور ایک رن لیا۔ وراٹ کوہلی نے 252 میچوں کی 248 اننگز میں 8004 رن بنائے ہیں۔ کوہل کے نام آئی پی ایل میں 8 سنچریاں اور 55 نصف سنچریاں ہیں۔

رائل چیلنجرز بنگلور کے لیے اوپننگ کرتے ہوئے وراٹ نے اس سیزن میں اپنی بلے بازی کی مہارت دکھائی ہے۔ آئی پی ایل 2024 میں انہوں نے 15 میچوں کی 15 اننگز میں ایک سنچری اور 5 نصف سنچریوں کی مدد سے 714 رنز بنائے ہیں۔ اس دوران ان کا اوسط 61.75 ریا ۔اسٹرائیک ریٹ 154.69 تھا۔ اس سیزن میں کوہلی نے اپنے بلے سے 62 چوکے اور 38 چھکے بھی لگائے ہیں۔