انڈر 19 ورلڈ کپ کے فائنل میں بھارت کو شکست، آسٹریلیا کا خطاب پر قبضہ

U19 World Cup 2024 انڈر 19 ورلڈ کپ کے فائنل میچ میں آسٹریلیا نے بھارت کو 79 رنز سے شکست دے کے خطاب اپنے نام کرلیا ہے۔ 253 رنز کے جواب میں بھارتی ٹیم 43.5 اوورز میں 174 رنز پر ہی آل آوٹ ہوگئی۔ بھارت کی آسٹریلیا کے خلاف کسی بھی آئی سی سی ایونٹ کے فائنل میچ میں یہ لگاتار تسیری شکست ہے۔

بینونی: انڈر 19 ورلڈ کپ کے فائنل میچ میں آسٹریلیا نے بھارت کو 79 رنز سے شکست دے کے خطاب اپنے نام کرلیا ہے۔ 253 رنز کے جواب میں بھارتی ٹیم 43.5 اوورز میں 174 رنز پر آل آوٹ ہوگئی۔ آسٹریلیا نے چوتھی بار انڈر 19 ورلڈ کپ کا ٹائٹل اپنے نام کیا ہے۔

254 رنز کے ہدف کے تعاقب میں بھارتی اننگز کا آغاز خراب رہا اور تیسرے ہی اوور میں کالم وِڈلر نے آرشین کلکرنی کو تین رنز پر ریان ہکس کے ہاتھوں کیچ آؤٹ کروا کر بھارت کو پہلا جھٹکا دیا۔ اس کے بعد بھارت کی وکٹیں وقفے وقفے سے گرتی رہیں۔ مشیر خان نے 22 رنز، کپتان ادے سہارن نے آٹھ رنز، سچن دھس نے نو رنز، پریانشو مولیا نے نو رنز اور اراویلی اونیش نے صفر رنز بنائے، راج لمبانی صفر پر پویلین لوٹ گئے۔

ایک وقت میں بھارت نے 31.5 اوور میں اپنے آٹھ بلے باز کھو دیے تھے۔ چھ بلے باز ڈبل فیگر میں بھی نہ پہنچ سکے۔ مروگن ابھیشیک اور نمن تیواری نے نویں وکٹ کے لیے 46 رنز کی شراکت بنا کر بھارت کے اسکور کو باعزت اسکور پر لے جانے کی کوشش کی۔ 41ویں اوور میں کیلم وِڈلر نے مروگن ابھیشیک کو 42 رنز پر آؤٹ کر کے بھارت کی امیدوں کو نواں جھٹکا دیا۔

سومیا پانڈے دو رنز بنانے کے بعد آؤٹ ہوئے۔ نمن تیواری 14 رنز بنانے کے بعد ناٹ آؤٹ رہے اور بھارتی اننگز 43.5 اوورز میں 174 رنز پر سمٹ گئی۔ آسٹریلیا کی جانب سے مہالی بیئرڈمین اور رافی میک ملن نے تین تین وکٹیں حاصل کیں۔ چارلی اینڈرسن اور ٹام اسٹرائیکر نے ایک ایک بلے باز کو آؤٹ کیا۔ کالم وائیڈلر نے دو وکٹیں حاصل کیں۔

اس سے قبل آج آسٹریلیا کے کپتان ہیو وائبگن نے ٹاس جیت کر پہلے بیٹنگ کا فیصلہ کیا۔ بیٹنگ کے لیے آنے والی آسٹریلیا کی شروعات خراب رہی اور اس نے تیسرے اوور میں صرف 16 رنز کے اسکور پر سیم کونسٹاس کی پہلی وکٹ گنوا دی۔

اس کے بعد ہیری ڈکسن اور کپتان ہیو ویبگن نے اننگز کو سنبھالا اور دوسری وکٹ کے لیے 78 رنز جوڑے۔ ہیو ویبگن نے 48 رنز اور ہیری ڈکسن نے 42 رنز بنائے، ریان ہکس نے 20 رنز بنائے، چارلی اینڈرسن نے 13 رنز بنائے، ریف میک میل دو رنز بنانے کے بعد آؤٹ ہوئے اور ہرجس سنگھ 55 رنز بنانے کے بعد آؤٹ ہوئے۔

اولیور پک 46 رنز بنا کر ناٹ آؤٹ رہے اور ٹام اسٹرائیکر آٹھ رنز بنا کر ناٹ آؤٹ رہے۔ آسٹریلیا نے مقررہ 50 اوورز میں سات وکٹوں پر 253 رنز بنائے۔ بھارت کی جانب سے راج لمبانی نے تین وکٹیں حاصل کیں۔ نمن تیواری نے دو وکٹیں حاصل کیں۔ سومیا پانڈے اور مشیر خان نے ایک ایک بلے باز کو آؤٹ کیا۔

آسٹریلیائی کپتان ہیو وائبگن نے ٹاس جیتنے کے بعد کہا تھا کہ وہ اسکور بورڈ پر رن بنا کر بھارت پر دباؤ ڈالنا چاہتے ہیں، اس لیے انہوں نے پہلے بیٹنگ کا فیصلہ کیا ہے۔ انہوں نے کہا کہ ٹیم میں ایک تبدیلی کی گئی ہے۔ ٹام کیمبل کی جگہ چارلی اینڈرسن کی ٹیم میں واپسی ہوئی ہے۔ بھارتی کپتان ادے سہارن نے کہا کہ وہ بھی پہلے بیٹنگ کرنا چاہتے تھے۔ انہوں نے کہا کہ یہ ورلڈ کپ ان کے اور ان کے ساتھیوں کے لیے بہت معنی رکھتا ہے۔ انہوں نے کہا کہ ٹیم میں کوئی تبدیلی نہیں کی گئی ہے۔

دونوں ممالک کی ٹیمیں اس طرح ہیں

انڈیا انڈر 19 ٹیم: آدرش سنگھ، ارشین کلکرنی، مشیر خان، ادے سہارن (کپتان)، پریانشو مولیا، سچن داس، اراویلی اونیش (وکٹ کیپر)، مروگن ابھیشیک، نمن تیواری، راج لمبانی اور سومی پانڈے۔

آسٹریلیا انڈر 19 ٹیم: ہیری ڈکسن، سیم کونسٹاس، ہیو وائبگن (کپتان)، ہرجس سنگھ، اولیور پیک، راف میک ملن، ریان ہکس (وکٹ کیپر)، چارلی اینڈرسن، ٹام اسٹراکر، مہلی بیئرڈمین، کالم وِڈلر۔