انڈر 19 ورلڈ کپ: ہندستان نے نیپال کو 132 رن سے شکست دی

ICC Under 19 World Cup سچن اور ادے کی سنچری اننگز کے بعد سومی پانڈے چار وکٹ کی شاندار گیند بازی کی بدولت ہندوستان نے جمعہ کو انڈر 19 ورلڈ کپ کے گروپ ایک کے سپر سِکس میچ میں نیپال کو 132 رن سے شکست دے دی۔

بلوم فونٹین:ٹیم انڈیا کے 298 رن کے ہدف کے تعاقب میں نیپال کی اوپننگ جوڑی دیپک بوہرا اور ارجن کمل نے پہلی وکٹ کے لیے 48 رن کی شراکت قائم کی۔ دیپک 22 رن بنانے کے بعد آؤٹ ہوئے اور ارجن 26 رن بنانے کے بعد آؤٹ ہوئے۔ کپتان دیو کھنال 33 رن بنانے کے بعد آؤٹ ہوئے جس کے بعد آکاش چند 18 رن، درگیش گپتا 29 رن بنا کر شکست کا فرق کم کرنے کی کوشش کی۔ باقی ماندہ بلے بازوں میں سے کوئی بھی دوہرے ہندسے تک نہ پہنچ سکا اور پوری ٹیم نو وکٹوں پر صرف 165 رن بنا سکی۔ ہندستان کی جانب سے سومی پانڈے نے چار وکٹیں حاصل کیں۔ ارشین کلکرنی کو دو وکٹ ملے۔ راج لمبانی، آرادھیا شکلا اور مروگن ابھیشیک نے ایک ایک بلے باز کو آؤٹ کیا۔

اس سے قبل سچن اور ادے کی سنچری اننگز کی بدولت ہندستان نے نیپال کو جیت کے لیے 298 رن کا ہدف دیا۔ ہندستان نے یہاں ٹاس جیت کر پہلے بلے بازی کا فیصلہ کیا۔ پہلے بیٹنگ کرنے آئی ہندوستانی ٹیم کا آغاز اچھا نہیں تھا اور پانچویں اوور میں 21 رن پر آدرش سنگھ کا وکٹ گنوا دیا۔ اس کے بعد بیٹنگ کے لیے آئے پریانشو مولیا بھی 19 رن بنا کر رن آؤٹ ہوگئے۔ ارشین کلکرنی 14ویں اوور میں 18 رن بنانے کے بعد پویلین لوٹ گئے۔

کپتان ادے سہارن اور سچن دھاس نے چوتھی وکٹ کے لیے 200 سے زائد رن کی شراکت کرکے ٹیم کو سنبھالا۔ اودے نے 107 گیندوں میں نو چوکوں کی مدد سے 100 رن بنائے۔ وہیں سچن نے 101 گیندوں میں 11 چوکوں اور تین چھکوں کی مدد سے 116 رن کی اننگز کھیلی۔ مشیر خان نے ناٹ آؤٹ نو رن بنائے۔ ہندوستانی ٹیم نے مقررہ 50 اووروں میں پانچ وکٹ پر 297 رن بنائے۔

سپر سکس میں ہندستان کا یہ دوسرا میچ ہے۔ اس سے قبل ہندستان نے پہلے میچ میں نیوزی لینڈ کو 214 رن کے بڑے فرق سے شکست دی تھی۔ ہندوستانی ٹیم ٹورنامنٹ میں اب تک اپنے تمام میچ جیت چکی ہے۔ نیپال کی جانب سے گلشن جھا نے تین وکٹیں حاصل کیں۔ آکاش چند نے ایک بلے باز کو آؤٹ کیا۔ (یو این آئی)