سری نگر: مرکزی زیر انتظام جموں و کشمیر کی گرمائی راجدھانی سرینگر میں آج پیر کے روز وزیر اعلیٰ عمر عبداللہ نے لوگوں پر زور دیا کہ وہ پانی کا درست استعمال کریں کیونکہ جموں و کشمیر میں 80 فیصد بارش کی کمی دیکھی گئی ہے۔
تفصیلات کے مطابق عمر نے سرینگر میں ایک تقیرب کے بعد صحافیوں سے بات کرتے ہوئے کہا کہ ہمیں بارش کی کمی کی وجہ سے مشکل صورتحال کا سامنا ہے۔
انہوں نے کہا، "میں سمجھ سکتا ہوں کہ لوگ پریشان ہیں کیونکہ ہم خشک سالی جیسی صورتحال کا مشاہدہ کر رہے ہیں۔
میں لوگوں سے درخواست کرتا ہوں کہ وہ پانی کا درست استعمال کریں تاکہ یہ یقینی بنایا جا سکے کہ آنے والے مہینوں میں ہمیں کوئی نقصان نہ پہنچے۔ اس دوران انہوں ایک سوال کے جواب میں کہا کہ میں آنے والے بجٹ پہ بات نہیں کروگا کیونکہ ایک ہی بجٹ میں لوگوں کے مسائل حل نہیں ہوسکتے ہےجبکہ ہمیں لوگوں نے پانچ سال تک چنا ہے۔
