اولمپک ولیج کیا ہوتا ہے اور یہ کب سے شروع ہوا؟ - Olympic Village

اولمپک گیمز 26 جولائی سے پیرس میں شروع ہو رہا ہے۔ جس میں 117 بھارتی کھلاڑیوں سمیت دنیا کے مختلف ممالک کے کھلاڑی شرکت کریں گے۔ کھلاڑیوں کی اتنی بڑی تعداد کو ایک ایسی جگہ پر ٹھہرانا جہاں ان کے لیے تمام سہولیات میسر ہوں۔ ایسی جگہ کو اولمپک ولیج کہتے ہیں۔ آکر اصطلاح کب سے شروع ہوئی اور سب سے پہلے اولمپک ولیج کب وجود میں آیا؟

حیدرآباد: پیرس اولمپکس 2024 کی افتتاحی تقریب 26 جولائی کو ہے۔ اس وجہ سے دنیا کے تمام کھلاڑی اس ایونٹ میں شرکت کرنے کے لیے پیرس پہنچ چکے ہیں۔ بھارت کے بھی 117 کھلاڑی اولمپک گمیز میں شرکت کریں گے۔ کھلاڑیوں کی اتنی بڑی تعداد کے مقیم کے لیے اولمپک ولیج بھی کھول دیا گیا ہے۔

اولمپک ولیج کیا ہے؟

اولمپک ولیج جیسا کہ نام سے ظاہر ہے کہ یہ اولمپک گاوں ہے۔ جس کو اولمپک گیمز کے پیش نظر تیار کیا جاتا ہے۔ دراصل جس جگہ اولمپکس کھیلوں کا انعقاد کیا جاتا ہے، اس کے قریب ہی کھلاڑیوں کے لیے ایک جگہ بنائی جاتی ہے جس میں کھلاڑیوں کو ہر طرح کی سہولت فراہم کی جاتی ہے۔ کھلاڑیوں کی اسی رہائش کو اولمپک ولیج کہا جاتا ہے۔ اس اولمپک ولیج میں ملک اور دنیا کے تمام کھلاڑی اکٹھے ہوتے ہیں۔

اولمپک ولیج کب سے شروع ہوا؟

ابتدائی اولمپک کھیلوں میں کھلاڑیوں کے لیے کوئی اولمپک ولیج نہیں ہوتا تھا۔ اس وقت کچھ کھلاڑی ہوٹلوں یا ہاسٹلوں میں قیام کرتے تھے اور کچھ کھلاڑی اسکولوں یا دوسری رہائش گاہ کا انتخاب کرتے تھے۔ پہلا اولمپک ولیج لاس اینجلس میں 1932 کے کھیلوں کے لیے بنایا گیا تھا۔ جس میں 37 ممالک کے صرف مرد ایتھلیٹس ایک ساتھ کھاتے، سوتے اور تربیت حاصل کرتے تھے۔ اس ولیج میں ایک ہسپتال، ایک فائر اسٹیشن اور ایک پوسٹ آفس بھی موجود تھا۔ ابتدائی دنوں میں خواتین اولمپک ولیج میں نہیں بلکہ ہوٹلوں میں قیام کرتی تھیں۔

اولمپک ولیج میں کون سی سہولیات میسر ہوتی ہیں؟

میلبورن میں 1956 کے کھیلوں تک اولمپک ولیج مردوں اور عورتوں دونوں کے لیے کھلا نہیں تھا۔ یہ ولیج عام طور پر مقابلے کے مقامات کے قریب بنائے جاتے تھے۔ اس ولیج میں رہنے والے کھلاڑی ریسٹورینٹ میں 24 گھنٹے کھانا کھا سکتے تھے، اپنے بال کٹوا سکتے ہیں، کلب میں جا سکتے ہیں یا شام کے کنسرٹس میں شرکت کر سکتے تھے۔لیکن اولمپکس گیمز ختم ہونے پر اولمپک ولیج میزبان ملک کے شہریوں کے لیے ایک نیا رہائشی علاقہ بن جاتا ہے اور مقامی آبادی کو مکانات فروخت یا کرائے پر دیے جاتے ہیں۔

اولمپک ولیج دو ممالک کے کھلاڑیوں کے درمیان مضبوط تعلقات قائم کرتا ہے

اولمپک گیمز کے میزبان شہر پہنچنے پر کھلاڑی اولمپک ولیج میں قیام کرتے ہیں۔ کھیلوں کے دوران ان کا وقت مقابلے کے بعد مختلف ممالک اور ثقافتوں کے دیگر کھلاڑیوں سے ملنے کا بھی موقع ملتا ہے۔ جس کی وجہ سے وہ کھلاڑی ایک دوسرے ملک کی ثقافت سے واقف ہوتے ہیں اور دو ممالک کے درمیان رشتہ بھی بہترین ہوتا ہے۔ یہ پوری دنیا کے کھلاڑیوں کے درمیان تعلقات کو بھی برقرار رکھنے کا ایک بہترین ذریعہ ہے۔