بلراج پوار کوارٹر فائنل میں تو رمیتا جندال فائنل راؤنڈ میں پہنچے، بھارت کو پہلے میڈل کی تلاش - Paris Olympics 2024

پیرس اولمپکس کے دوسرے دن خواتین کے دس میٹر ایئر رائفل کے مقابلے میں بھارت کی رمیتا جندال نے فائنل کے لیے کوالیفائی کرلیا ہے جبکہ روئنگ میں بلراج پوار نے کوارٹر فائنل میں رسائی حاصل کر لی ہے۔ بھارت کو ابھی بھی اپنے پہلے میڈل کی تلاش جاری ہے۔

پیرس: پیرس اولمپکس کے دوسرے دن بھارتی کھلاڑیوں نے روئنگ اور شوٹنگ میں شاندار کھیل کا مظاہرہ کیا ہے۔ بھارتی شوٹر رمیتا جندال نے خواتین کے 10 میٹر ایئر رائفل کے انفرادی ایونٹ میں شاندار کاکردگی کا مظاہرہ کرتے ہوئے فائنل میں جگہ بنا لی ہے۔

رمیتا 631.5 پوائنٹس کے ساتھ پانچویں نمبر پر رہیں۔ جبکہ ایلاوینل 630.7 پوائنٹس کے ساتھ دسویں نمبر پر رہی اور وہ ایونٹ کے فائنل میں جگہ بنانے میں ناکام رہیں۔ کیونکہ ٹاپ 8 شوٹر ہی فائنل راؤنڈ میں کوالیفائی کر سکتے ہیں۔

وہیں دوسرے ایونٹ روئنگ میں بلراج پوار نے پیرس اولمپکس میں تاریخ رقم کی ہے۔ وہ مردوں کے سنگلز روئنگ کھیل میں کوارٹر فائنل میں پہنچنے والے پہلے بھارتی بن گئے ہیں۔ 25 سالہ آرمی مین بلراج 7:12.41 کی ٹائمنگ کے ساتھ دوسرے نمبر پر رہے۔

اپنا پہلا اولمپک ڈیبیو کر رہے بلراج اب منگل کو کوارٹر فائنل میں ایکشن میں ہوں گے۔ یہ میچ 30 جولائی کو بھارتی وقت کے مطابق دوپہر 1:40 بجے کھیلا جائے گا۔

قابل ذکر ہے کہ بلراج کے پاس اولمپک تاریخ میں کسی بھی اولمپک روئنگ ایونٹ میں بھارت کی بہترین کارکردگی ریکارڈ کرنے کا موقع ہوگا۔ یہ ریکارڈ فی الحال ارجن لال جاٹ اور اروند سنگھ کی مردوں کی ڈبل جوڑی کے پاس ہے، جنھوں نے ٹوکیو اولمپکس 2020 میں اپنے ایونٹ میں 11 واں مقام حاصل کیا تھا۔