حیدرآباد: نیوزی لینڈ کے نوجوان کھلاڑی راچن رویندرا کو آئی سی سی نے ابھرتے ہوئے سال کا بہترین کھلاڑی منتخب کیا ہے۔ نیوزی لینڈ کے اس ابھرتے ہوئے اسٹار کو آئی سی سی نے ایمرجنگ پلیئر آف دی ایئر 2023 کا تاج پہنایا ہے۔ راچن ورلڈ کپ 2023 میں نیوزی لینڈ کے لیے بہترین کارکردگی کا مظاہرہ کرنے والے کھلاڑیوں میں سے ایک تھے۔ ولڈ کپ میں راچن نے شاندار بلے بازی کی اور نیوزی لینڈ کے لیے تین سنچری کی۔ ایک کرکٹر کے طور پر راچن کے لیے سال 2023 بہت اچھا گزرا ہے۔
راچن رویندرا نے یہ ایوارڈ جنوبی افریقہ کے تیز گیند باز جیرالڈ کوٹزی، سری لنکا کے تیز گیند باز دلشان مدوشنکا اور بھارتی نوجوان بلے باز یشسوی جیسوال کو پیچھے چھوڑ کر حاصل کیا ہے۔ ایوارڈ قبول کرنے کے بعد رویندرا نے کہا کہ ظاہر ہے کہ یہ بہت خاص احساس ہے۔ آئی سی سی کی جانب سے جب بھی آپ کو کسی چیز کے لیے انعام دیا جاتا ہے تو یہ ہمیشہ خاص ہوتا ہے۔