ہند پاک میچ سے ہمیشہ ایک کھلاڑی ستارہ بن کر ابھرا: نوجوت سنگھ سدھو - icc mens T20 World Cup 2024

ہندوستان کے سابق سلامی بلے باز اور مشہور کمینٹیٹرنوجوت سنگھ سدھو نے کہاکہ ہندوستان اور پاکستان کے درمیان میچ سے ہمیشہ ایک کھلاڑی اسٹار بن کر کرکٹ کے افق پر ابھرا ہے۔اس مرتبہ بھی اس میچ سے ایک ستارہ ابھرے گا۔انہوں کہاکہ ہندوستان اور پاکستان کرکٹ میچ کے سنسنی سے آج تک کوئی بچ نہیں سکا ہے۔

نیویارک:ہندوستان کے کرکٹر نوجوت سنگھ سدھو کا خیال ہے کہ ہندوستان اور پاکستان کے درمیان ہونے والے میچ کے سنسنی سے کوئی نہیں بچ سکتا۔ ٹی ٹوئنٹی ورلڈ کپ میں دونوں ٹیمیں اتوار کو ناساؤ کاؤنٹی انٹرنیشنل کرکٹ اسٹیڈیم میں آمنے سامنے ہوں گی۔ سدھو نے اسٹار اسپورٹس پر کہاکہ مجھے لگا کہ اگر میں ہیرو بننا چاہتا ہوں تو یہ میرا موقع ہے۔ مجھے یقین ہے کہ اگر میں پاکستان کے خلاف اچھا کھیلتا ہوں تو شائقین میری تمام بری اننگز بھول جائیں گے۔

نوجوت سنگھ سدھو نے کہاکہ ایسے بہت سے مواقع آئے جب ہندوستان اور پاکستان کے درمیان میچ سے ہمیشہ ایک کھلاڑی کرکٹ کی دنیا میں ستارہ بن کر چمکا۔ چیتن شرما اکثر مجھے یاد دلاتے ہیں کہ انہوںنے ون ڈے میں ہیٹ ٹرک کی اور 200 وکٹ حاصل کئے لیکن میں جہاں جاتا ہوں لوگ اس چھکے کے بارے میں پوچھتے ہیں جو جاوید میانداد نے آخری گیند پر لگایا تھا۔

انہوں نے کہاکہ یہ بات بالکل سچ ہے ہندوستان اور پاکستان کے درمیان ہونے والا میچ کی وجہ سے کھلاڑیوں پر اضافی دباو بنتا ہے۔ اس سے کوئی نہیں بچ سکتا۔ میرے لئے سب سے یادگار لحمہ وہ ہے جب میں پاکستان کے خلاف مین آف دی میچ منتخب ہوا تھا۔ یہ ایک شاندار احساس ہے۔اس کے علاہو دلچسپی،سنسنی خیز،جذبات اور محبت کی وجہ سے ہندوستان اور پاکستان کے میچ کی اہمیت بڑھ جاتی ہے۔