دنیا کے مقبول ترین کھیلوں میں کرکٹ اور ہاکی کس نمبر پر ہیں؟ - Most Popular Sports in World

دنیا میں کس کھیل کو سب سے زیادہ پسند کیا جاتا ہے، اسی بنیاد پر آج ہم آپ کو دنیا کے 10 مقبول ترین کھیلوں کے بارے میں بتانے والے ہیں۔ اس فہرست میں کرکٹ اور ہاکی کس نمبر پر ہیں؟

حیدرآباد: بھارت سمیت دنیا میں مختلف قسم کے کھیل کھیلے جاتے ہیں۔ لیکن مقبولیت کے اعتبار سے کچھ کھیل ایسے بھی ہیں جو کئی ممالک میں کھیلے جاتے ہیں، جس کی وجہ سے ان کے مداحوں کی تعداد بھی کروڑوں میں ہے۔

بہت سے ممالک مختلف کھیلوں میں اپنی الگ پہنچان بھی رکھتے ہیں۔ جیسے بھارت کو کرکٹ میں ماسٹر کہا جا سکتا ہے جبکہ چین ٹیبل ٹینس، برازیل فٹ بال اور جمیکا ایتھلیٹکس کے لیے جانا جاتا ہے۔ تو آج ہم آپ کو دنیا کے مقبول ترین دس کھیلوں کے بارے میں بتانے والے ہیں۔

دنیا کے دس مقبول ترین کھیل

فٹ بال:

فٹ بال (IANS PHOTO)

فٹ بال دنیا کے مقبول ترین کھیلوں میں سے ایک ہے۔ فٹ بال کا آغاز 12ویں صدی میں انگلینڈ میں ہوا تھا۔ یہ کھیل تقریباً 208 ممالک میں کھیلا جاتا ہے اور فٹ بال تقریباً 93 ممالک میں پہلے نمبر پر ہے۔ اس گیم کے شائقین کی تعداد تقریبا 4 ارب ہے۔ اس کھیل میں 11 کھلاڑی دو ٹیموں میں کھیلتے ہیں۔ مقبولیت کے اعتبار سے فٹ بال دنیا کا نمبر ون کھیل ہے۔

کرکٹ:

کرکٹ دنیا کے مقبول ترین کھیلوں میں دوسرے نمبر پر ہے۔ یہ کھیل 16ویں صدی کے آخر میں انگلینڈ میں شروع ہوا۔ کرکٹ انگلینڈ کا قومی کھیل بھی ہے۔ اس کھیل میں 100 سے زائد ممالک حصہ لیتے ہیں۔ اس کھیل کو بھی ہر ایک ٹیم میں 11 کھلاڑیوں کے درمیان کھیلا جاتا ہے۔ انگلینڈ، آسٹریلیا اور بھارت کا شمار کرکٹ کی مضبوط ترین ٹیموں میں ہوتا ہے۔

ہاکی:

ہاکی (IANS PHOTO)

ہاکی دنیا کے مقبول ترین کھیلوں میں سے ایک ہے۔ اس کا آغاز تیسری صدی قبل مسیح میں ہوا۔ تقریباً 2 سے 3 بلین لوگ اس گیم کو پسند کرتے ہیں۔ یہ دنیا کا تیسرا مقبول ترین گیم ہے۔ اس کھیل میں 11 کھلاڑیوں کی دو ٹیمیں حصہ لیتی ہیں۔ہر کھلاڑی کا مقصد گیند کو مخالف ٹیم کے گول پوسٹ میں داخل کرنا ہوتا ہے۔ ہاکی یورپ، افریقہ، ایشیا اور آسٹریلیا میں سب سے زیادہ مقبول ہے۔

ٹینس:

ٹینس (IANS PHOTO)

ٹینس بھی دنیا کے مقبول ترین کھیلوں میں سے ایک ہے۔ یہ کھیل 12ویں صدی میں فرانس میں شروع ہوا۔ اس گیم میں 2 کھلاڑی سنگل یا 4 کھلاڑی ڈبلز میں کھیلتے ہیں۔اس گیم کے دنیا بھر میں تقریباً 1 بلین شائقین ہیں۔

والی بال:

اس گیم میں نیٹ کے دونوں طرف 6-6 کھلاڑی دو ٹیموں کی نمائندگی کرتے ہیں۔ دونوں کا مقصد مخالف ٹیم کے کورٹ میں گیند کو زمین میں گرانا ہے۔ اس کھیل کا آغاز 1895 میں امریکہ میں ہوا تھا۔

ٹیبل ٹینس:

ٹیبل ٹینس (IANS PHOTO)

ٹیبل ٹینس دنیا بھر میں ایک مقبول کھیل ہے۔ یہ 19ویں صدی میں شروع ہوا۔ ٹیبل ٹینس چین کا قومی کھیل ہے۔ ٹیبل ٹینس چین، انڈونیشیا اور ملائیشیا میں بہت مشہور ہے۔ اس کے مداحوں کی تعداد تقریباً 850 ملین ہے۔

بیس بال:

بیس بال (ANI PHOTO)

بیس بال کی ابتدا 18ویں صدی میں امریکہ میں ہوئی۔ امریکہ کے علاوہ کیوبا، ڈومینیکن ریپبلک، پورٹو ریکو، جاپان اور وینزویلا جیسے ممالک میں بیس بال کافی مقبول ہے۔

گولف:

گولف (IANS PHOTO)

گولف کا آغاز 15ویں صدی میں اسکاٹ لینڈ میں ہوا۔ رائل کلکتہ گولف کلب 1829 میں قائم کیا گیا تھا۔ آہستہ آہستہ یہ کھیل آئرلینڈ، آسٹریلیا، نیوزی لینڈ، کینیڈا اور سنگاپور میں بھی کھیلا جانے لگا۔ یہ یورپ کے کئی حصوں میں بھی مقبول ہوا۔

باسکٹ بال:

یہ کھیل 1891 میں شروع ہوا، باسکٹ بال امریکہ کا قومی کھیل ہے۔ اس کھیل کی مضبوط ٹیمیں امریکہ، کینیڈا، آسٹریلیا، ارجنٹینا اور برازیل ہیں۔ اس کھیل میں کل 10 کھلاڑی حصہ لیتے ہیں، ہر ٹیم میں پانچ کھلاڑی ہوتے ہیں۔

رگبی:

رگبی (ANI PHOTO)

یہ کھیل 19ویں صدی میں انگلینڈ میں شروع ہوا۔ یہ کھیل 7 کھلاڑیوں کی دو ٹیموں کے ساتھ کھیلا جاتا ہے۔ رگبی انگلینڈ، ویلز اور سکاٹ لینڈ، نیوزی لینڈ، جنوبی افریقہ، آسٹریلیا اور ارجنٹینا میں بہت مقبول ہے۔ رگبی نیوزی لینڈ، جنوبی افریقہ، ویلز، فجی، ساموا، ٹونگا اور مڈغاسکر کا قومی کھیل ہے۔